Ытыктабыллаах Саха сирин олохтоохторо!

Сэтинньи 4 күнү­гэр бэлиэтэнэр дойдубут биир сүрүн бы­раа­һын­ньыга биһиги баай историябытын ытык­­тыыр­бытын, үйэлээх үгэстэрбитигэр сү­гүрүйэрбитин кэрэһилиир. Норуоппут түмсүүлээх уонна биир сомоҕо буолуута судаарыстыбабыт кыаҕын бөҕөргөтөр, сайдыытын түстүүр. Биһиги, улуу Россия дьоно-сэргэтэ, көлүөнэттэн көлүөнэҕэ бэриллэн кэлбит патриотическай өйү-санааны, духуобунаспыт тулхадыйбат сыаннастарын харыстыах тустаахпыт.
Дойдубут президенэ Владимир Путин 2025 сылга диэри судаарыстыбабыт национальнай бэлиитикэтин стратегиятыгар уларыйыы киириэхтээҕин, президент ыам ыйынааҕы ыйааҕын кытта сөп түбэһиэхтээҕин ыйда. Социальнай-экономическай былааннар регионнар култуурунай, историческай, омук быһыытынан уратыларын учуоттуохтаахтарын, гражданнары кытта аһаҕас кэпсэтиигэ олоҕуран ылыллыахтаахтарын эттэ.
Биһиги Сахабыт сиригэр үгүс араас омук бэрэстэбиитэлэ эйэ-дэмнээхтик олорон, өрөспүүбүлүкэбит, дойдубут бигэ туруктаах буоларын туһугар уйгуну уһансар, айа-тута сылдьар, инникитин эрэллээхтик көрөр.
Саха сирин бары олохтоохторугар чэгиэн доруобуйаны, үтүө туругу, дьолу, ситиһиилэри баҕарабын.

Саха Өрөспүүбүлүкэтин
Ил Түмэнин Бэрэссэдээтэлэ
Петр Гоголев