Ытык кырдьаҕастарга кус амсатар үтүө үгэс

Кэлиҥҥи кэмҥэ Сахабыт сиригэр үтүө санаа араас хабааннаах хамсааһыннара үгүстүк буолаллара санааны өрө көтөҕөр. Биллэрин курдук, ыам ыйын 22 күнэ — Ньукуолун күнэ саха норуотугар ураты суолталаах.

Буолумуна, уһун кыыдааннаах кыһыннаах сирдээх-уоттаах дьон, күөххэ үктэниилэрэ ураты оруолланара өйдөнөр. Бу күн хас ыал ахсын сибиэһэй кус мииннээх, арыылаах алаадьылаах, саламааттаах бырааһынньык сандалыта тардыллар.
Өрөспүүбүлүкэбитигэр Чурапчы улууһун олохтоох­торо бу бэлиэ күн кыайан бултаабат-алтаабат ытык кырдьаҕастарыгар кус амсатар үтүө үгэһи олохтообуттара. Ити үгэһи атын улуустар эмиэ хабан ылбыттара. Быйыл иккис сылларын Үөһээ Бүлүү улууһун Кэнтик нэһилиэгин эр дьоно саастаах биир дойдулаахтарын Ньукуолун күн кус амсаттылар. Оттон Чурапчы улууһун сорох бөһүөлэгин эр дьоно кустарын үргээн, астаан, остуол тардан, ытык кырдьаҕастарын күндүлээбиттэрэ, биир ураты тэрээһининэн буолла.

Чурапчы улууһун олохтоох­торо

Үөһээ Бүлүү улууһун Кэнтик нэһилиэгин эр дьоно

Людмила НОГОВИЦЫНА