ТелевидениеҔэ кэһиилэри ким хонтуруоллуоҔай?

«Ну, погоди!» үтүргэҥҥэ түбэһиэ суоҔа

«ТелевидениеҔэ РФ Уопсастыбаннай сэбиэтин туһунан» сокуон барыла номнуо ГосдумаҔа киирдэ. Ааптардар санааларынан, бу сэбиэт «телевидениеҔэ уопсастыба сиэрин-майгытын харыстааһыны үрдэтэр уонна маассабай иһитиннэрии көҥүлүн кэһиини таһаарбат туһугар» дойдуга баар медиаэйгэни бүтүннүүтүн ырытан көрүөҔэ. Докумуоҥҥа этиллэринэн, сэбиэккэ 25 киһи киириэҔэ – президентэн, бырабыыталыстыбаттан, парламент икки палаататыттан, Уопсастыбаннай палаататтан. Оттон телеканаллар үлэһиттэрэ Сэбиэккэ киириэ суохтаахтар. Госдума култуураҔа кэмитиэтин бэрэссэдээтэлин бастакы солбуйааччыта, сокуон барылын ааптардарыттан биирдэстэрэ Елена Драпеко ааҔарынан, «кинилэр олус корпоративнай идеологияҔа охтубуттар, онон дьиҥнээҔинэн сыаналыыр кыахтара суох». Кинини кытта Госдума вице-спикерэ, телевидение биэриитин ыытааччы Петр Толстой сөбүлэспэт. Кини медиаиндустрия курдук судургута суох бизнескэ профессионал санаатын истэр наадалааҔын этэр. Сэбиэти үөскэтиини телеканалларга цензураны киллэрии быһыытынан көрөр.

«Бу эйгэҔэ кими аптарытыатынан ааҔар өйдөммөт. Ханнык критерийдэринэн телеканаллар үлэлэрэ сыаналанара эмиэ өйдөммөт», – диэтэ Госдума вице-спикерэ. Онуоха Елена Драпеко: «Сокуон барыла билигин балайда ситэриллибэтэх, – диэн сорох өттүнэн сөбүлэһэр. – Үгүс боппуруостары иккис ааҔыыга чопчулуохтаахпыт. Саамай сүрүнэ — сэбиэт чопчу боломуочуйалардаах буолара». Кини телевидениеҔэ ханнык да цензура туһунан этиллибэтин бэлиэтээтэ. «Билигин биһиги «Ну, погоди!» мультфильмҥа охсуһууну көрөрбүт эбэтэр Аполлон статуятыгар турусугу кэтэрдэ сатыырбыт курдук өйдөбүлү үөскэтэллэр. Оттон манна биэриилэр уопсастыба сиэрин-майгытын туһааннаах ирдэбиллэригэр сөп түбэһэллэрин эрэ туһунан этэбит. Цензуралыы сатыахпыт суоҔа, эфиргэ ааспыт биэриилэргэ сүбэлээһиннэри эрэ оҥорор санаалаахпыт. Сорох түгэннэргэ кэтиир уорганнарга суруктары ыытыахпыт, каналга сэрэтии оӨоһулларын дуу, суоҔун дуу кинилэр быһаардыннар», – диэн кэпсээтэ парламент хаһыатыгар Елена Драпеко.

Саамай кытаанах кэтэбил – рейтинг

Урукку өттүгэр ВГТРК баһылыга, билигин телевидениенэн, араадьыйанан биэрээччилэр Национальнай ассоциацияларын президенэ Эдуард Сагалаев Уопсастыбаннай сэбиэти тэрийии идеятын сөбө суоҔунан аахта. Сагалаев санаатынан, ханаал үлэтин сүрүн көрдөрүүтэ – рейтинг. Кини хас биирдии ханаал уопсастыбаннай сэбиэт наадалааҔын бэйэтэ быһаарыахтааҔын этэр. «Кабелынан барар, интернет-ханааллар уо.д.а. бааллар. Кинилэр саамай араас аудиторияҔа тахсаллар: ыччакка, дьиэ кэргэҥҥэ, дьахталларга. Тэриллэр сэбиэт чилиэннэрэ итини барытын хайдах хонтуруоллуур санаалаахтарый? Уонна саамай сүрүнэ, телевидение программаларын хаачыстыбатыгар сыһыаннаан хайдах биир санааҔа кэлиэхтэрэй?» – диэн дьиктиргиир эксперт.
«Маннык сүбэлиир уорган баар буолуохтаах, – диэн ааҔар Госдума иһитиннэрии политикатыгар, иһитиннэрэр технологияларга уонна сибээскэ кэмитиэтин бэрэссэдээтэлин солбуйааччы, РФКП фракциятын чилиэнэ Александр Ющенко, – ол эрэн Конституциянан дойдуга цензура бобуллубута, онон сокуону кэспэт туһугар итиннэ үлэлиир наадалаах».