14 декабря 2018 в 09:34

Күн киһитэ көмүскэс, айыы киһитэ аһыныгас

Эдэр ийэ, Иванова Алициа-Лада дьиэ кэргэнигэр 3 саастаах уола Айхал Иванов Кытай Даоли оройуонугар Харбиннааҕы реабилитационнай кииҥҥэ эмтэнэ барарыгар үп-харчы наада буолла диэн иһитиннэрдилэр. Бу түгэни мүччү туппакка Айхал толору куурус эмтээһини барара уонна Кытайга ийэтин кытта айанныыра ыксаллаах буолла. Оҕо эрдэтинэ 4 сааһын туолуон иннинэ эмтэнэрэ ирдэнэр, эбиитин Кытай специалистара балаҕан ыйыгар кэлэн, үөрэтэн, көрөн-истэн, эмтээн барбыттарын кэннэ кини туруга биллэ тубуста, бу улахан ситиһии дии саныыбыт.

Эмтэнии толору кууруһун сыаната 40 тыһ.юань тэҥнэһэр, ол аата биһиги сыанабытынан 400 тыһ.кэриҥэ солк. буолар. Маннык улахан сууманы, биллэн турар, эдэр ыал сатаан уйунар кыаҕа суох. Айхал церебральнай паралич смешаннай көрүҥүнэн ыалдьар, диагноһа: симптоматическай эпилепсия, хроническай ретинопатия, бронхолегочнай дисплазия. Оҕо бэйэтэ көмөтө суох сатаан хаампат да, аһаабат да уонна саҥарбат.

“Норуот күүһэ — көмүөл күүһэ” — диэн мээнэҕэ эппэттэр, ол иһиг күндү Сахам сирин аһыныгас бэйэлээх, амарах, айыы санаалаах дьоно биир санаанан күүс-көмө, өйөбүл буолуохтара диэн бука барыгытын көмөлөһөргүтүгэр ыҥырабын.

Хамсааһын саҕаланан, харчы кыралаан хомуллан эрэр, Алициа-Лада үөрүүтэ үгүс, ол курдук күндү күүс-көмө буолбут дьоҥҥо сүгүрүйэн туран барҕа махтал тылын тиэрдэрин этэр. Көмө харчы хаамыытын туһунан Айхал ийэтэ бэйэтин Инстаграм страницатыгар күн ахсын таһаара турар (@alitsia_lada). Ким билсиэн баҕарар ыйыллыбыт нүөмэргэ эрийэн билсиҥ, биитэр Инстаграм страницатыгар суруйуоххутун сөп, тутатына Алициа-Лада эппиэттиир, суруйар.

Сир үрдүгэр үгүс элбэх истиҥ-иһирэх, амарах санаалаах дьон элбэҕин билэбит уонна истэбит. Сахам сирин ытыктанар олохтоохторо, бар дьоммут, туора турбакка үп-харчы өттүнэн улахан күүс-көмө буолуоҕуҥ, биир киһи курдук санаабытын холбоон көмөтө оҥоруоҕуҥ диэн барыгытын эрэнэн туран ыҥырабын.

Иванова Алициа-Лада реквизиттэрэ:

Сбербанк каартата. Мобильнай банк: Иванова Алициа-Лада Викторовна. Төл. нүөмэрэ: 89142675407.

ИНН: 7707083893/БИК: 049805609

Р/с: 40817810676000052457

К/с: 30101810400000000609