39 сиргэ ойуур баһаарын умуруордулар

Быйыл сайын Арассыыйа 5 регионугар улахан баһаар туран, ыксаллаах быһыы-майгы биллэрилиннэ. РФ айылҕа харыстабылын министиэристибэтэ ойуур баһаарын умуруорууга үлэни күүһүрдэргэ этиилэрин РФ Бырабыыталыстыбатыгар ыыппыт.

Бу этиилэргэ нэһилиэнньэлээх пууннартан ыраах сытар сирдэргэ баһаары умуорар көдьүүһэ суоҕун ыйаллар. Бу сирдэр кыраныыссаларын быһаараллар. Маны таһынан, баһаары умуруорууга боломуочуйаны регион салалтатыгар буолбакка, федеральнай биэдэмэстибэҕэ биэрэр туһунан этиллэр.
Экология, айылҕа уонна ойуур хаһаайыстыбатын министиэристибэтин пресс-сулууспата иһитиннэрбитинэн, Саха сиригэр атырдьах ыйын 22 күннээҕи чахчыларынан 212587 га иэннээх 39 сиргэ бааһар умуруоруллубут. Билиҥҥитэ Абый, Үөһээ Дьааҥы, Өлөөн, Орто Халыма улуустарыгар баһаар умуруорулла илик, Ньурбаҕа турбут баһаар умуруоруллубут. Уопсайа 206 киһи уонна 11 техника баһаардары кытта охсуһа сылдьар.