391

10 января 2020 в 10:21

Спикер элбэх оҕолоох ыалга бэлэх туттарда

 

Саамай сырдык, үтүө уонна дьон барыта сөбүлүүр бырааһынньыгын иннинэ ахсынньы 27 күнүгэр Ил Түмэн бэрэссэдээтэлэ Петр Гоголев үгэс быһыытынан элбэх оҕолоох ыалга саҥа дьыллааҕы бэлэхтэри туттарда.

Жанна Семенова уонна Евгений Никифоров 10 төрөппүт оҕолорун иитэллэр. Оҕолортон саамай кыралара 9 ыйдаах, оттон улахаттар – номнуо устудьуоннар.
Ил Түмэн бэрэссэдээтэлэ Петр Гоголев улахан дьиэ кэргэни Саҥа дьылынан эҕэрдэлээтэ, кинилэргэ бары баҕа санаалара туолалларыгар, былааннаабыттарын ситиһэллэригэр, бөҕө доруобуйаны, оҕолорго үчүгэй үөрэҕи баҕарда. Кини иитии уонна үөрэхтээһин боппуруостарыгар дьиэ кэргэн суолталааҕын бэлиэтээтэ.
Петр Гоголев оҕолору үөрдэ-көтүтэ саҥа дьыллааҕы минньигэс бэлэхтэри, харысхал кычымы, ону сэргэ минньигэс астаах буолалларын туһугар аэрогриль туттарда.
Элбэх оҕолоох дьиэ кэргэн төрөппүттэрэ истиҥ махталы биллэрэн, ааспыт сылга оҕолор парламент спикериттэн эмиэ бэлэх туппуттарын, ити саҥа дьыллааҕы үтүө үгэс оҕолор өйдөрүгэр-санааларыгар олохторун тухары хаалыаҕын бэлиэтээтилэр.

Поделиться