Үүнэр 2018 сыл тугу түстүүрүй?

БИЛГЭЛЭЭЧЧИ ТУҺУНАН

Бастатан туран, Павел Павлович Глоба Россия үтүөлээх астрологын аатын сүгэр. Тустаах дьон уонна судаарыстыбалар дьылҕаларын сүнньүнэн халлаан сулустара хайдах олохсуйбуттарынан билгэлиир. Глоба аймахха экстрасенстар, норуот эмчиттэрэ уонна айар идэлээх дьон бааллар эбит. Кини төрөппүттэрэ худуоһунньук уонна эмчит дьон, оттон ийэтинэн эһэтэ астрологиянан уонна эмтээһининэн дьарыктаммыт, эбэтэ – зороастризмынан. 64 саастаах билгэлээччи олоҕун суолугар түһүү да, тахсыы да баар эбит. 1992 сылга Павел Глоба Астрологическай киинэ тэриллибит. Номнуо 6 сылынан ТНТ ханаалынан “Глобальные новости” диэн биэриигэ бэйэтин өтө көрүүлэрин тиэрдэн барбыта. Бүгүн Глоба «Ретро FM» радиостанцияҕа эфиргэ тахсар. Астрологическай институт ректорын билгэлээһиннэриттэн 80 бырыһыана туолбут дэнэр. Кини аан дойдутааҕы экономика кризиһэ саҕаланар кэмин ыйбыта, Украина илиҥҥи өттүгэр сэбилэниилээх иирсээни, Барак Обама президенинэн туруутун уонна Америка баһылыгын солотуттан уурайыытын өтө көрбүтэ.

Россия 2018 сылга
Россия олоҕор-дьаһаҕар уустук 2016 уонна 2017 сыллары кытта тэҥнээтэххэ, 2018 сыл, Глоба этэринэн, сырдык, үтүө түгэннэрэ элбэх. Ол эрээри Россия олохтоохторун иннигэр бюджет дефицитин уонна үлэтэ суох буолуу таһыма үрдээһинин кытта сибээстээх кыһалҕалар өссө да үөскүүр кыахтаахтарын өтө көрөөччү кэпсиир. Маныаха экономика уонна политика эйгэлэригэр тупсуу чуолкайын этэр. Павел Глоба дойду хас биирдии гражданинын олоҕун уларытар кыахтаах саҥа лидер кэлиитин билгэлиир. Быыбар иннинээҕи күрэстэһиигэ биир кандидат атыттартан чорбойуоҕа, ол эрээри куоластааһын түмүктэрэ туохха да эрэммэт дьону кытта соһутуохтара диир. Астролог НАТО үрэллиитэ ыраахтан буолбатаҕын этэр. Ити түгэн Россияҕа туһаны эрэ аҕалыахтаах. Ол курдук, Россия бүтүн уонна тутулуга суох буолуутугар суоһуур Хотугу Атлантическай түмсүү үрэллиититтэн дойду нэһилиэнньэтэ сүүйүүлээх эрэ тахсыаҕа. Икки сыл түмүктэнэ да илигинэ, аан дойдуга саамай улахан судаарыстыба физическэй да, духуобунай да өттүнэн кыайтарбат туруктаныаҕа. Үгүс дойдуларга экономика кризиһин туоруулларыгар көмөлөһүөҕэ уонна державалар саҥа түмсүүлэрэ үөскүүр акылаатын ууруоҕа. Глоба санаатынан, 2018 сылга
Гагаузия, Приднестровье итиэннэ өссө 4 дойду Россияны кытта түмсэргэ дьулуһуохтара. Экономикаҕа үүнүүнү түргэн тэтимнээх диэбэккин. Манна сайдыыны энергетика ресурсаларыгар сыананы үрдэтии хамсатар кыахтаныаҕа. Туораахтаах култуураларга өлгөм үүнүү кэккэ ас-үөл табаардарыгар сыана намтыырын хааччыйыахтаах. Бырабыыталыстыба пенсия реформатын уонна нэһилиэнньэ көмүскэлэ суох араҥатыгар көмө кээмэйин хаттаан көрүүнү көҕүлүөҕэ. Бүгүн үп эйгэтигэр инновациялары кытта үлэлиир дьон чугастааҕы сылларга өрөбөлүүссүйэҕэ тэҥнээх арыйыылары оҥоруохтарын сөп. Бу ситиһиилэрэ кинилэр номнуо 2020 сылга тиийэн долларовай миллионер буолалларыгар кыах биэриэҕэ.

Айылҕаҕа күүтүллүбэтэх түгэннэр
Айылҕа туруга холку дэниллибэт. Техника таһаарар гаастара, синтетическэй бородууксуйаны оҥорон таһаарыы улаатыыта, ол тобоҕо сүүһүнэн тыһыынча сылларга сүппэт кутталлааҕа, сыыйа-баайа климат уларыйыытыгар тиэрдэр. Ол курдук, Павел Глоба 2018 сылга Россия саамай хотугу сирдэригэр хаһааҥҥытааҕар да итии сайыны билгэлиир. Оттон төттөрүтүн, соҕуруу олохтоох дьоҥҥо кэнники 70-90 сылларга саамай тымныы кыһын күүтүллэр. Хайалаах
оройуоннарга сир хамсааһына чаастатык тахсыаҕа. Оннооҕор бэрт улахана да суох дьигиһийиитэ олохтоох нэһилиэнньэҕэ кырата суох хоромньуланыаҕа. Саас уонна сайын Россия киин өттүгэр ардах уута халыйыаҕа. Атырдьах – балаҕан ыйдарыгар балайда уһаабыт кураан киэҥ сири хабар ойуур баһаардарын күөдьүтэр кутталлаах.

Россия ыаллара: Украина, Европа
Украина илин өттүгэр бүтэр уһуга көстүбэт иирсээн национальнай валюта кууруһун сыппатыаҕа. Ипотека кризиһэ эмиэ тахсара күүтүллэр, билигин тутууга улахан сэргэхсийии тахсан турар. Нэһилиэнньэ ортотугар долгуйуу күүһүрүөн сөп. Номнуо саас ортотун диэки миитиннэр, демонстрациялар уонна маассабай түмсүүлэр саҥа өрөбөлүүссүйэҕэ кубулуйуохтарын сөп. Ити дойду саҥа президенин быыбара болдьоҕун иннинэ буолуоҕа. Салайан олорор баартыйа чөмчөкөлөрө Россияҕа сыһыаннара арыый сымныаҕа. Сыыйа-баайа дойдулар икки ардыларыгар санкциялар уһуллуохтара, импорт уонна экспорт сыһыаннара сөргүтүллүөхтэрин сөп. Европаҕа кэлэр сыл туох да үчүгэйи түстээбэт. Политикаҕа тыл-тылга киирсибэт буолуу Европа Сойууһугар киирэр судаарыстыбалар баһылыктарын бэйэ-бэйэлэригэр утарыта туруортуоҕа, тэйсии көстүөҕэ. Великобритания норуоттар икки ардыларынааҕы түмсүүгэ чилиэн буоларыттан букатыннаахтык аккаастаныан сөп. Италияҕа бюджет барыны хабар дефицититтэн сылтаан кини Фран
цияны уонна Испанияны кытта түмсэргэ күһэллиэҕэ. Ити дойдулар бэйэлэрин икки ардыларыгар Соҕуруу Европатааҕы коалицияны тэрийиэхтэрэ. Биллэр билгэһиттэр үгүстэрин курдук, Павел Глоба эмиэ 2018 сылга евро таһыма таҥнары түһүөҕэ диэн этэр. Ити аан дойдутааҕы аренаҕа Европа балаһыанньатын балайда мөлтөтөр.

Зодиак бэлиэлэригэр Глоба тугу билгэлиирий?
Илиҥҥи халандаар быһыытынан, 2018 – Араҕас Ыт сыла. Астролог кэлэр сыл ордук маннык бэлиэлээх дьоҥҥо ситиһиилэри аҕалыаҕын этэр: Овен, Телец, Козерог уонна Водолей. Глоба Барааҥҥа (Овеҥҥа), уот тыыннаах бэлиэ бэрэстэбиитэлигэр, былааннарын ситиһиилээхтик олоххо киллэрэрин уонна соторутааҕыттан бэттэх өйүн-санаатын ымыыта буолбут баҕата туоларын туһунан этэр. Сыл ортотугар ити бэлиэ сулумах бэрэстэбиитэллэрэ дьиҥнээх тапталларын көрсөр кыахтаахтар. Карьера кирилиэһинэн үрдүккэ эмискэ ыттар туһугар Оҕус (Телец) туох баар дьулуурун барытын уурарга күһэллиэҕэ. Кини үчүгэй иммунитеттаах буолан, сыл бастакы 9 ыйыгар ыарыыттан харыстаныаҕа. Кыһын чугаһаатаҕына, битэмииннэри иһэригэр сүбэлэнэр. 2018 сылга Глоба Козерогтары өйдөрүгэр-санааларыгар уруккуттан хатаан сылдьар бизнес-бырайыактарын олоххо киллэрэллэригэр үтэйэр. Ситиһии тута кэлэрэ күүтүллүбэт, ол эрээри барыс ыллахтарына, ол кээмэйэ дьоһун пенсияланалларын хааччыйар кыахтаах. Водолейдар – ыстаал ньиэрбэлээх дьон, чугас киһилэрин кытта өр сыллаах тэйсиилэрин үтүө өттүгэр быһаарар кыахтаналлар. Ол түмүгэр кинилэр ыра санааларыгар баар дьахтары/эр киһини көрсөллөрүгэр эрэллэрэ улаатар. Игирэлэр, Хахайдар уонна Балыктар сыалларын ситиһэр инниттэн күүстэрин-кыахтарын түмэн сыраластахтарына сатанар. Быстах кэмҥэ доҕор буолан кубулуммут өстөөхтөн сэрэниэхтээхтэр. 2018 сылга кинилэр оҕолонуохтара эбэтэр оҕо үөскүөҕэ. Кыыс, Рак, Скорпион уонна Стрелец олохторун саҥа түһүмэҕэр үктэнэллэр. Сырдык кэскил диэки хорсуннук хардыылааҥ!