Оҕоҕо ыйдааҕы көмө харчы

Сокуон барылын оҥорооччулар оҕоҕо ый аайы бэриллэр көмө харчы кээмэйин улаатыннарар этиилээхтэр.
Көмөҕө наадыйар оҕолоох ыаллары социальнай өттүнэн өйүүр сыалтан көмө харчы кээмэйин икки категорияҕа арааран ааҕарга этиллэр:
— дьиэ кэргэн биир киһитигэр айах ииттэн олоруу алын кээмэйин 30%-тан кыра дохуоттаах ыаллар;
— айах ииттэн олоруу алын кээмэйин 30%-тан үрдүк дохуоттаах дьиэ кэргэттэр.
Бу ньыма туһааннаах дьиэ кэргэн наадыйыытын учуоттаан, социальнай өйөбүл дьаһаллара аадырыстаах буолуутун үрдэтэр кыахтаныаҕа.
Итини таһынан, оҕоҕо көмө харчыны биэриигэ дьиэ кэргэн дохуоттарыттан тутулуктанан сокуон барыла араарыллыбыт сыһыаны олохтуур.
Быйыл өрөспүүбүлүкэҕэ ыйдааҕы көмө харчыга анаан 1 млрд 139 мөл. солк. ордук үп көрүллүбүт. Көмө харчы кээмэйэ улаатыытынан сибээстээн, 2018 уонна 2019 сс. бюджекка эбии үбү көрөргө былаанныыллар.
Сокуон барылын быһыытынан, оҕоҕо ыйдааҕы көмө харчыны төрөппүттэртэн (иитэ ылбыт дьонтон, эппэкииннэртэн, попечителлэртэн) биирдэстэрэ хас биирдии төрөппүт, иитиэх, эппиэкэҕэ ылыллыбыт, кинилэри кытта бииргэ олорор оҕо 16 сааһын туолуор диэри, наадыйыы ирдэбиллэрин тутуһан, ылар бырааптаах.
Онон бу сокуон барыла көмөҕө ордук наадыйар гражданнарга социальнай өйөбүлү хааччыйар итиэннэ көмө харчы кээмэйин үрдэтэр сыаллаах.
“Оҕоҕо ыйдааҕы көмө харчы туһунан” сокуон барыла Ил Түмэн мунньаҕар көрүллүөҕэ.