Түмүк кэтэһиллибитин курдук буолла

Дойду Президенин быыбарыгар Владимир Путин  чыпчаал көрдөрүүнү ситистэ

Референдум хайысхаланна

Экспердэр быыбар иннинээҕи хампаанньа кандидаттар икки ардыларыгар илин-кэлин түсүһүү буолбакка, бу үрдүк дуоһунаска өр үлэлээбит, уопсастыбаҕа күүстээх дьайыылаах күүстээх кандидакка итэҕэйии, эрэнии сценарийынан барыаҕын туһунан ыйбыттара. Биллэн турар, хайа баҕарар таһымнаах быыбар уһулуччу күүстээх, чорбойор кандидат баар буоллаҕына, референдум курдук ыытылларын бэлиэтиибин.

Ол да курдук буолла. Быыбар бүттэ, барыллааһын түмүктэр таҕыстылар.

Бүлүтүөннэр 99,83% обработкаламмыттарын кэнниттэн, Владимир Путин иһин быыбардааччылар куоластарын 76,6%, Павел Грудиниҥҥа — 11,08%, Владимир Жириновскайга — 5,66% биэрдилэр.

Үлэлии сылдьар Российскай Федерация Президенин Владимир Путин иһин куоластааһыҥҥа ордук үчүгэй көрдөрүү Крымҥа ситиһиллибитин бэлиэтиибин. Ол курдук, бүлүтүөннэр 80% обработкаламмыттарын кэннэ, киниэхэ быыбардааччылар 91,7% итэҕэйбиттэрэ биллибитэ. Севастополь куоракка ити көрдөрүү 92% тиийбитэ.

Россия олохтоохторо билигин аан дойду отуора хамсаабыт кэмигэр судаарыстыбаҕа күүстээх лидер наадатын өйдөөннөр, уһуну-киэҥи толкуйдааннар быыбардаабыттарын бэлиэтиибин. Ол курдук, Владимир Путин бу иннинээҕи быыбардарга бэлиэтэммэтэх чыпчаал көрдөрүүнү ситистэ.

Россия олохтоохторо билигин аан дойду отуора хамсаабыт кэмигэр судаарыстыбаҕа күүстээх лидер наадатын өйдөөннөр, уһуну-киэҥи толкуйдааннар быыбардаабыттарын бэлиэтиибин. Ол курдук, Владимир Путин бу иннинээҕи быыбардарга бэлиэтэммэтэх чыпчаал көрдөрүүнү ситистэ.

Күүркэтэр наадата суох

Оттон өрөспүүбүлүкэбитигэр барыллаан ааҕыы түмүгүнэн быыбардааччылар баһыйар үгүс куоластарын Владимир Путиҥҥа (64,38%) итэҕэйдилэр, Павел Грудиниҥҥа — 27,25%, Владимир Жириновскайга — 3,96%, Ксения Собчакка — 1,64%, Григорий Явлинскайга — 0,57%, Борис Титовка — 0,44%, Максим Сурайкиҥҥа уонна Сергей Бабуриҥҥа — 0,37%.

Дойду Президенин быыбарыгар РФКП-тан турбут Павел Грудиниҥҥа элбэҕэ суох, ол эрээри атын регионнары кытта тэҥнээтэххэ, Саха сиригэр үгүс куолас бэриллибитигэр, маннык санаалардаахпын. Бастатан туран, биллэрин курдук, биһиги өрөспүүбүлүкэбит сүөһү, сылгы иитиитинэн дьарыгырар аграрнай субъект. Киниэхэ куоластарын итэҕэйбит дьон үгүстэрэ тыа сирин олохтоохторо. Совхоз дириэктэрэ тыабыт сирин өрө тардыа диэн быстах санаанан салайтарбыт буолуохтарын сөптөөх. Иккиһинэн, билигин Сэбиэскэй кэми ахтыы-санааһын ханна барытыгар күүһүрэн турар кэмэ. Онон РФКП туруорбут кандидатыгар быыбардааччы куолаһын биэрбит биир биричиинэтэ итиннэ сытыан сөптөөх. Үсүһүнэн, өрөспүүбүлүкэбит киинтэн ыраах, тэйиччи кэнсиэрбэлэнэн сытара, дойду уопсай балаһыанньатыттан тэйиччибит эмиэ оруоллаах буолуон сөп.

Маны күүркэтэн, политикаҕа туһанан, өрөспүүбүлүкэбитин, региоммутун түһэн биэрэрбит наадата суох дии саныыбын. Инникибитин, кэскилбитин саныах тустаахпыт.

Билигин Украина, арҕаа дойдулар, Америка судаарыстыбабытын кыраҕытык кэтии олорор кэмнэригэр, кистэл буолбатах, быыбарга кыттыы хайдах буолуой диэн долгуйуу баара. Ол эрээри дойду олохтоохторо наадалаах кэмҥэ түмсүүлээхтэрин, тэрээһиннээхтэрин көрдөрдүлэр.

Сомоҕолоһуулаахпытын көрдөрдүбүт

Билигин Украина, арҕаа дойдулар, Америка судаарыстыбабытын кыраҕытык кэтии олорор кэмнэригэр, кистэл буолбатах, быыбарга кыттыы хайдах буолуой диэн долгуйуу баара. Ол эрээри дойду олохтоохторо наадалаах кэмҥэ түмсүүлээхтэрин, тэрээһиннээхтэрин көрдөрд­үлэр.

Уһук Илиҥҥи федеральнай уокуругу ылан көрөр эбит буоллахха, Чукотка быыбардааччыларын 82,2%, Магадан уобалаһа — 71,9%, Саха сирэ — 70,99% быыбарга кыттыыны ыланнар үс маҥнайгы миэстэҕэ таҕыстылар. Саамай намыһах көрдөрүүлээҕинэн Еврейскэй автономнай уокурук буолла. Бу уокурукка быыбардааччылар 60,2% куоластаабыттар.

Үөһэ ахтан ааспыт Крыммар быыбардааччылар 63,9% кытынна. Санатар эбит буоллахха, 2010 сыллаахха хомо Украина састаабыгар киирсэригэр, ити судаарыстыба аҕа баһылыга Виктор Янукович кыайыы көтөллөммүт быыбарыгар Крым быыбардааччылара 47% эрэ кыттыыны ылбыттара.   

 Россия Президенин быыбарын күнэ Крым уонна Севастополь Россияны кытта холбоспут күнүн (4 сылын) кытта сөп түбэспитин бэлиэтиибин.

Дойду үрдүнэн да ыллахха, быыбардааччылар кыттыылара куһаҕана суоҕун бэлиэтиибин. Үөһэ этэн аһарбытым курдук, Россия дьоно наадалаах кэмҥэ сомоҕолоһуулаахтарын, түмсүүлээхтэрин көрдөрдүлэр. Быыбар бүттэ, олох салҕанар. Россия Президенэ Владимир Путин таҥар саҥа бырабыыталыстыбатыттан судаарыстыбабыт үүнүүтүн-сайдыытын эрэнэ кэтэһэбит.