Бюджекка киллэриллэр көннөрүүлэри өйөөтүлэр

Ил Түмэн доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга сис кэмитиэтин мунньаҕар  «2019 сылга уонна былааннаммыт 2020-2021 сс. Саха Өрөспүүбүлүкэтин судаарыстыбаннай бюджетын туһунан» өрөспүүбүлүкэ сокуонугар көннөрүүлэри киллэрэр сокуон барылын ырыттылар.

СӨ үпкэ миниистирин солбуйааччы Октябрина Никонова ылыныллыбыт бюджекка туох уларыйыылар киирбиттэрин туһунан иһитиннэрии оҥордо. Ол курдук, судаарыстыбаннай бюджет дохуоттаах чааһа 2019 сылга 3 млрд 756 мөл. солк. курдук улаатыннарыллыбыт уонна 216 млрд 57 мөл.742 тыһ. солк. тэҥнэспит. Онтон 2020 сылга бюджет дохуоттаах чааһа 9 млрд 100 тыһ. солк. курдук улаатыннарыллан 186 млрд 377 мөл. 817 тыһ. солк. буолбут. Бюджет ороскуоттаах чааһа 2019 с. 3 млрд 686 мөл. солк. улаатыннарыллыбыт. Оттон 2020 сылга 9 млрд 103 мөл. 877 тыһ. солк. улаатыаҕа. Судаарыстыбаннай бюджет дефицитэ 2019 сылга 70 мөл. солк кыччатыллыбыт уонна 9 млрд 916 мөл. 664 тыһ. солк. тэҥнэспит. Оттон, чуолаан, доруобуйа харыстабылын салаатыгар 2019 сылга 22 млрд 812 мөл. 424 тыһ. солк. бараммыт, эрдэ былааннаммыт сууматтан 764 мөл. 750 тыһ. солк. эбии ороскуоттаммыт. Бу үп кээмэйин уларыйыыта эминэн хааччыйыыга, тустаах категорияҕа өҥөнү оҥорууга федеральнай бюджеттан үбү тыырыы уларыйбытыттан, доруобуйа харыстабылын судаарыстыбаннай сулууспалаахтарын хамнастара 4% үрдэтиллибититтэн уонна да атын төрүөттэн тахсыбыт.
Октябрина Никонова дакылаатын кэнниттэн норуот депутаттара ыйытыылары биэрдилэр. Алена Атласова Искэн ыарыытын эмтиир диспансер иккис уочаратын тутууга үбүлээһин кээмэйин кыччаппыттарын ыйда. Маныаха үп министиэристибэтин бэрэстэбиитэлэ үбүлээһин кээмэйин кыччатыы тутуу хаачыстыбатыгар уонна хаамыытыгар дьайыа суоҕа, диспансер иккис уочарата кэмигэр тутуллан киириэҕэ диэтэ. Антонина Григорьева: “Инвестицияны улаатыннарыыга хайысхаланан үлэлиибит даҕаны, доруобуйа харыстабылын салаатынан тутууну үбүлээһин кыччаабыт. Холобур, Ньурба улууһун Хорула сэлиэнньэтигэр 2020 сылга быраас практикатын дьиэтин тутуута былааннаммыта. Ол эрэн бу хайысханан үбүлээһини сарбыйбыттар. Хорула нэһилиэнньэтин доруобуйата сир аннынааҕы атомнай тэптэрииттэн, ракета тобоҕо түһүүтүттэн эмсэҕэлиир”, — диэн бэлиэтээтэ. Маныаха үп миниистирин солбуйааччы Татьяна Лебедева торг ыытан үбүлээһин кээмэйигэр кэмчилээһин тахсыбытын туһунан иһитиннэрдэ уонна Хорула балыыһатын тутуутун үбүлээһини 2020 сылга киллэриллэр диэтэ.
Кэлиҥҥи кэмҥэ сытыы боппуруоһунан буолбут доруобуйа харыстабылын тэрилтэлэрин бэрээдэктээһини депутат Мария Христофорова таарыйда. Кини, бастатан туран, бюджекка киллэриллибит көннөрүүлэр тустарынан докумуону үп министиэристибэтэ мунньах буолуон эрэ иннинэ ыыппытын, ол иһин депутаттарга докумуону сиһилии үөрэтэллэригэр бириэмэ бэриллибэтэҕин бэлиэтээтэ. Иккиһинэн, 202-с уураах тохтотуллубутун кэннэ, атын аатынан бу уурааҕы олоххо киллэрии үлэтэ ыытылларын ыйда. Кини “бэрээдэктээһин”, “оптимизация” диэн тылынан сабынабыт, экономика сайдыытын министиэристибэтэ күүстээх ырытар үлэни ыытан бу кыһалҕаны атыннык быһаара сатыахтаах этэ диэн санаатын эттэ. Ол курдук кэпсэтии кэнниттэн Ил Түмэн доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга сис кэмитиэтин чилиэннэрэ 2019 сылга уонна былааннаммыт 2020-2021 сс. Саха Өрөспүүбүлүкэтин судаарыстыбаннай бюджетын туһунан сокуоҥҥа көннөрүүлэри киллэрэр сокуон барылын ылынары өйөөтүлэр.

Сардаана КУЗЬМИНА

Уважаемые читатели!

1. Покупая электронную версию Издания, вы осознаете, что покупаете ее исключительно для личного (семейного) пользования. Перепродажа или любая другая передача купленного вами номера газеты третьим лицам запрещается и может преследоваться по закону.
2. Обязанности продавца, в качестве которого выступает Издание, считаются выполненными с момента отправки Покупателю ссылка на скачивание купленного и оплаченного им номера газеты.
3. Стоимость газеты в розницу 30 руб.

ВАЖНО! Иногда, по независящим от Издания причинам, спам-фильтры Покупателя перебрасывают письмо с заказанной вами ссылкой в папку «Спам». Поэтому если вы не получили от нас автоматически сгенерированного письма со ссылкой, для начала проверьте папку «Спам». Если его нет и там — обращайтесь в нашу редакцию.