401
12 мая 2017 в 12:21
10 ойуур баһаара турда
Бүгүҥҥү күҥҥэ өрөспүүбүлүкэ үрдүнэн баһаартан куттал суох буолуутун быраабылаларын кэһиини булан ылыыга, туоратыыга уонна сэрэтиигэ 95 суһал сырыылаах бөлөх үлэлиир.
Быйыл ыам ыйыгар, Саха сиригэр баһаар тахсар кутталлаах кэмэ үөскүөҕүттэн 1 тыһыынча гектартан ордук уопсай иэннээх 10 ойуур баһаара бэлиэтэннэ.
Баһаарга сэрэхтээх кэм аһыллыаҕыттан 155 патруллааһын, рейдэлэр ыытыллыбыттар. Хонтуруоллуур дьаһаллар кэмнэригэр өрөспүүбүлүкэ үрдүнэн административнай сокуону кэһии туһунан 43 боротокуол толоруллубут.
Патруллааһын, рейдэлэр салҕаналлар. Маннык дьаһаллар сүрүн сыаллара – ойуурга кутааны оттууну тохтотуу уонна баһаар тахсыытын сэрэтии. Судаарыстыбаннай ойуур инспектордара тыаҕа баһаартан куттал суох буолуутун быраабылаларын тутуһууну хонтуруолга туталлар. Кэһээччилэргэ административнай сокуону кэһиилэр тустарынан кодексынан ыстарааптар түһэриллиэхтэрэ.
Эһиги ойуур умайарын көрбүт буоллаххытына, ити туһунан Саха сиринээҕи ойуур хаһаайыстыбатын регионнааҕы диспетчердэр сулууспаларыгар 8-4112-44-74-76 төлөпүөҥҥэ эрийэн биллэриэххитин сөп.
Баһаартан сэрэхтээх буолуҥ!
Саха сиринээҕи
ойуур сыһыаннаһыыларыгар
департамент пресс-сулууспата.
