18 октября 2016 в 12:20

Энергосбыт: Уоту уоран туттуу 462 түбэлтэтэ тахсыбыт

Тоҕус ый иһигэр тэрилтэлэр сокуоннайа суохтук уоту туттуулара элбээбит. Ол курдук, 462 түбэлтэ баарын туһунан Энергосбыт үлэһиттэрэ этэллэр.

«Якутскэнерго» ситимнэриттэн 12 мөл. 543 тыһ. электроэнериэгийэни уорбуттара биллибит. Тахсыбыт хоромньу уопсай кээмэйэ 100 мөл. 578 тыһ.солк. тахса.

Уоту уорбуттар быһа холуйан 40 мөл.солк. төннөрбүттэр. Уоту учуоттаабакка уонна уоран туттуу ордук элбэхтэ Дьокуускайга уонна Илин Эҥэр улуустарга тахсара бэлиэтэнэр.

Мииринэйгэ уоруу 107 түбэлтэтэ бэлиэтэммит. Хоромньу 15 мөл. 267 тыһ.солк. ааҕыллар. Итинтэн 13 мөл. солк. төннөрбүттэр.

Билигин баар административнай ыстараап кээмэйэ бэйэ холбонуутун иһин — 10-15 тыһ. солк., дуоһунастаахтарга – 30-80 тыһ. солк., юридическэй сирэйдэргэ – 100-200 тыһ. солк.

Электроэниэргийэни уоруу туһунан «Якутскэнерго» тэрилтэҕэ 49-70-00 эбэтэр Энергосбыкка 8-800-100-2205, 498-498 нүөмэрдэргэ эрийэн биллэриэххэ сөп.

Энергосбыт пресс-сулууспата.