818
23 октября 2015 в 09:00
Сүөһүнү иитиигэ уонна үүнээйи салаатыгар субсидия көрүлүннэ
РФ Бырабыыталыстыбата сүөһүнү иитиигэ уонна үүнээйи салаатыгар регионнааҕы программалары өйөөһүҥҥэ 1,4 млрд солк. субсидияны көрөргө быһаарда.
РФ 17 субъегар регион тыа хаһаайыстыбатын сайыннарыыга программатын чэрчитинэн сүөһүнү иитии салаатын сайыннарыыга 398 мөл. солк., 23 региоҥҥа 1 млдр солк. үүнээйи салаатыгар анаан ыытыллар буолла.
Үүнээйи салаатыгар регионнааҕы суолталаах программалары өйөөһүнү кытта сибээстээх ороскуот эбэһээтэлистибэлэрин кыттыгас үбүлээһиҥҥэ анаан федерация 23 субъегар субсидиялар 2015 сыллаахха федеральнай бюджеттан бэриллибиттэрэ.
Бырабыыталыстыба бэрэссэдээтэлэ Дмитрий Медведев: “Субсидиялар лүөнү, риһи үүннэриини сайыннарыыга уонна халаан уута ылыытын, сир аһара сиигириитин түмүгэр эмсэҕэлээбит Дальнай Восток федеральнай уокуругун регионнарыгар баар тыа хаһаайыстыбатыгар аналлаах сир быйаҥы биэриитин чөлүгэр түһэриигэ ыытыллаллар”, — диэн бэлиэтээтэ.
Регионнар түмүк ситиһиилэриттэн көрөн, субсидиянан туһаныы көдьүүһэ сыл аайы Россия Тыа хаһаайыстыбатыгар министерствотынан сыаналанар.
Докумуон РФ Бырабыыталыстыбатын 2015 сыл алтынньы 15 күнүгэр буолбут мунньаҕар көрүлүннэ уонна сөбүлэҥи ылла. Миниистирдэр кабинеттарын 2015 сыл алтынньы 17 күнүнээҕи Уурааҕынан биһиги өрөспүүбүлүкэбитигэр 4 468 тыһ. солк. көрүллэрэ былааннанар.
