«Тыам сирэ» аграрнай Программа туһунан

«Биир ньыгыл Россия» политическай партия бу бырайыагын хайысхаларын сүнньүнэн 8 дакылаатчыт отчуоттара истилиннэ. Ол курдук, Эляков В.И. – «Биир ньыгыл Россия» Саха сиринээҕи региональнай салаатын аграрнай политикаҕа уонна тыа сирин сайыннарыыга отделын салайааччыта; Дягилева Н.И. – тыа хаһаайыстыбатын миниистирин бастакы солбуйааччыта; Баланов И.М. – Арктика дьыалаларыгар Судаарыстыбаннай кэмитиэт отделын начальнига; Гуляев А.А. – «Мелиорация управлениета» ГУ начальнига, Махаров Д.Д. – «Туймаада-Лизинг» ААО генеральнай директора, Петров Н.И. – ТХМ тыа сирин социальнай сайдыытыгар Департаменын начальнига, Емельянов И.С. – «Саха сирэ ХХI үйэҕэ» өрөспүүбүлүкэтээҕи хамсааһын Дирекциятын салайааччыта, Попов С.К. – «Урожай» ДСО бэрэссэдээтэлэ, сири туһаныы, хотугу аҕыйах ахсааннаах омуктар төрүт дьарыктарын харыстааһын, 2020 сылга диэри тыа сирин сайдыытыгар туһуламмыт судаарыстыбаннай программа, дьоҕус уонна орто бизнеһи өйөөһүн, суолу тутуу, газтааһын, олорор дьиэнэн хааччыйыы, бородууксуйаны оҥорууга саҥа техника уонна технология, «Сахам сирэ 21 үйэҕэ» хамсааһыны, дьон-сэргэ чөл олоххо дьулуһуутун өйөөһүн, оҕо төрөөбүт тылынан үөрэнэр быраабын хааччыйыы тустарынан туох үлэ тыа сиригэр барбытын билиһиннэрдилэр.

Ол түмүгэр кэпсэтиигэ кыттыбыт дьон үлэ сөптөөхтүк Программа сүнньүнэн баран иһэрин бэлиэтээтилэр.

Бу Программаны саҥардан биэрии наадатын туһунан, ордук производство уонна экономика өттүнэн саҥа блок киллэрэргэ этилиннэ. Партия исполкомун аатыгар миэстэтээҕи партийнай тэрилтэлэртэн үгүс этиилэр киирэн эрэллэр. Урукку өттүгэр үгүс программалар үөһэттэн соҥноноллоро, дьон баҕата, кыһалҕата болҕомто таһыгар хаалара.

Саҥа блогу ырытан оҥорорго 15 киһилээх хамыыһыйа тэрилиннэ, үксэ тыа сирин сайдыытыгар сыһыаннаах министерстволар специалистара, тыа сиригэр быһаччы үлэлии сылдьар, норуокка убаастанар үлэһиттэр киирдилэр. Тыа сиригэр оҥорон таһаарыыга үлэлии-хамсыы сылдьар дьоммут этиилэрин, туруорсууларын хамыыһыйа учуоттуоҕа.
Киирбит этиилэр, сэҥээриилэр уонна туруорсуулар түмүллэн «Тыам сирэ» программа салгыы үлэлииригэр тирэх, көмө буолуохтара. Программа туолбакка иһэр өрүттэрин сөхсүтэн, онно туһааннаах салайааччылар, министерстволар, хаһаайыстыбаннай тэрилтэлэр салалталарын кытта үлэ күүһүрэн, дириҥээн биэриэҕэ. «Тыам сирэ» программа тыа сиригэр олохтоох нэһилиэнньэ туруорсуутун түмэн республика салалтатын иннигэр уонна «Биир ньыгыл Россия» партияҕа туруорсар, үлэлиир докумуон быһыытынан суолтата улаатыаҕа.

Тыа сирин сайдыытыгар, олохтоох дьон олоҕун тупсарыыга анаммыт «Биир ньыгыл Россия» партия Саха сиринээҕи салаата эрэ тус сыаллаах, элбэх сылга үлэлээбит, туһаны аҕала сылдьар аграрнай Программалаах.

Интернет ситимигэр бу буолан ааспыт аграрнай Форум туһунан олоҕо суох араас куолулааһыннар, холуннарыылар, анонимнай автордар (холобур, Тыа оҕонньоро) суруйуулара тахсан эрэллэр.

Бу анонимнай автордар «Биир ньыгыл Россия» партия Саха сиринээҕи салаатын курдук, «Тыам сирэ» диэн аграрнай программатыгар майгынныыр программалаах биир эмэ атын политическай партияны сатаан булан этиэхтэрэ этэ дуо диэн сиэрдээхтик ыйытыаҕы баҕарыллар. Дьон-сэргэ кытаанахтых өйдүөхтээх: былаас партията, норуот партията – «Биир ньыгыл Россия» политическай партия тыа сирин дьонун олоҕо тупсарын туһугар кимэн киириилээхтик үлэлиир. 2015 с. бюджекка тыа сирин, тыа хаһаайыстыбьатын сайдыытын программата бу үлүгэрдээх кризис кэмигэр 1,5 млрд улаатта (Ил Түмэн 70 депутатыттан 53-һэ – «биир ньыгыллар»). Ил Түмэн Бэрэссэдээтэлэ А.Н.Жирков – «Тыам сирэ» аграрнай программа автора.

«Тыам сирэ» программа салайааччыта,
норуодунай депутат А.С.Уаров.