Уһук Илинтэн дьон ханна көһөр баҕалаахтарый?

2015 сылга атын куораттарга көһөр баҕалаахтарын ордук Южно-Сахалинскай, Магадан уонна Дьокуускай куораттар олохтоохторо биллэрдилэр. Уһук Илин атын куораттарын бэрэстэбиитэллэрэ олорор сирдэриттэн хамсыырга тиэтэйбэттэр, онно ыйытыллыбыт дьон 46% итинник этэр. Оттон олорор сирдэриттэн саамай астынааччылар – Хабаровскай олохтоохторо, 38% эрэ ханна эмэ көһөр баҕалаахтар.
Көһөргө баҕалаах куораттар ортолоругар үөһээҥҥи строкалары икки киин куорат – Москва уонна Санкт-Петербург ыллылар, ону сэргэ уһук илиннэри Новосибирскайга, Краснодарга, Калининградка, Сочига уонна Иркутскайга олох умсугутар.
Уһук Илинтэн көһөргө бэлэм дьон күүтэр хамнастара 40000 солкуобайтан 70000 солк. диэри халбаҥныыр. Оттон «баҕалаах куораттарыгар» ханнык хамнаһы этиэхтэрин сөбүй?

Саамай үрдүк хамнаһы – 42 500 уонна 40 000 солк. туһааннааҕынан Москва уонна Сочи эрэннэрэллэр, ол эрэн бу куораттарга биир вакансияҕа күрэстэһии балайда үрдүк. 2015 сылга Москваҕа биир үлэ миэстэтигэр ортотунан 10 специалист сананар, оттон Сочига биир вакансияҕа – 8 киһи. Биир үлэ миэстэтигэр саамай улахан күрэстэһии 2015 сылга Краснодарга уонна Санкт-Петербурга көстөр – биир үлэ миэстэтигэр 11 кэриҥэ киһи. Оттон хамнас ити куораттарга соччо үрдүгэ суох: Санкт-Петербурга – 37 000 солк., Краснодарга ыйга 30 000 солк. хамнаһы ылыахха сөп.

Бу чинчийиини HeadHunter сулууспа 2015 с. ахсынньы 1-7 күннэригэр ыытта.