600

07 декабря 2019 в 12:06

Ньурбаҕа урбааҥҥа аналлаах зонатааҕы форум буолла

 

Ньурба куоратыгар дьоҕус биисинэһинэн, урбаанынан дьарыктанааччыларга анаан «Мой бизнес – моё будущее» зональнай форум буолан ааста.

Ньурба улууһугар дьоҕус биисинэһи сайыннарыыга үлэ барар. Ааһан иһэр сылга Чаппандаҕа корпуснай миэбэл сыаҕын ИП Петров Р.Н., Чуукаарга ИП Семенов А.Д. уһанар мастарыскыай, Малдьаҕарга Иванова И.А. килиэп астыыр бэкээринэ уонна форум буолуон аҕай иннинэ 2015 сыллаахтан үлэлиир “Тутар-таҥар управление” ХЭТ (гендириэктэр Павел Потапов) Ньурба улууһугар улахан суолталаах “Бүлүү” федеральнай суолунан туһанааччыларга анаан массыынаны гааһынан саппараапкалыыр ыстаансыйата аһылынна. Ыстаансыйаны аһыыга СӨ урбаан, эргиэн уонна туризм миниистирэ Ирина Высоких кыттыыны ылла.
Бүлүү бөлөх, Ленскэй улуустарыттан аччыгый уонна дьоҕус биисинэһинэн дьарыктанааччылар, оскуола биисинэс-инкубатордарын резиденнэрэ, үөрэҕирии тэрилтэлэрэ, наставниктар кыттыыны ыллылар. Барыта 7 былаһаакка үлэлээтэ, 200-чэ кэриҥэ киһи кытынна.
СӨ биисинэс-инкубатор ген.дириэктэрэ Максим Карбушев үөрэҕирии тэрилтэлэрэ бырайыактарын көмүскүүл­лэригэр сырытта, наставник быһыытынан сүбэ-ама биэрдэ.


СӨ тыа хаһаайыстыбатын министиэристибэтэ, «Ньурба оройуона» МО, туһалаах үлэни оҥорууга биэс сыл иһигэр граннары (субсидиялары) туһаныыны үөрэтиигэ аналлаах сэминээр ыытылынна. Пленарнай сиэссийэҕэ урбааны өйүүр тэрилтэлэр, оройуон дэлэгээссийэлэрин салайааччылара санааларын үллэһиннилэр. Сиэссийэни СӨ урбаан, эргиэн уонна туризм миниистирэ Ирина Высоких ыытта.
Форум кыттыылаахтара, судаарыстыбаннай уонна муниципальнай, федеральнай ситэриилээх былаас уорганнара «Актуальные проблемы предпринимательства в Вилюйских районах и пути их решения» диэн төгүрүк остуол тула санаа атастастылар.
«Биисинэс-инкубатор» уонна ДьТХА тэрийиилэринэн Ньурба 1 нүөмэрдээх оскуолатыгар ДьТХА преподавателэ Иванова К.В., Антоновка орто оскуолатыгар ДьТХА биологическай наука хандьыдаата Додохов В.В. тигээйи иитиитинэн дьарыктаныы, Ньурбатааҕы техническэй лиссиэйгэ т/х наукатын дуоктара, Саха сиринээҕи мэдиссиинэ научнай-чинчийэр киинин сотруднига, ДьТХА профессора Степанов К.М. эт-үүт аһылыктарга аналлаах маастар-кылаас, тренинг-сэминээр ыыттылар.
СӨ урбаан, эргиэн уонна туризм миниистирэ Ирина Высоких, урбааны сайыннарыы отделын салайааччыта Айар Кириллов, уопсастыбаннай аһылык уонна конкуренция отделын кыл. исписэлииһэ Мария Фёдорова, алкогольнай бородууксуйаны бэрээдэктээһин отделын кыл. исписэлииһэ Ким Татаринов, «Центр «Мой бизнес» ГАУ, СӨ Биисинэс-инкубаторын» ген.дириэктэрэ Максим Карбушев, МКК «СӨ урбааны сайыннарыы Фондата», «Региональнай лизинговай хампаанньа» АО кыттыыны ыллылар.


“Мой бизнес – мое будущее” форум түмүгүн таһаарыыга урбаан эйгэтигэр
урбааны сайыннарыыга, Ньурба улууһугар социальнай-экономическай сайдыыга кылааттарын иһин СӨ урбаан, эргиэн уонна туризм министиэристибэтин Бочуотунай грамотатынан, СӨ урбаан Координационнай Сэбиэтин Бочуотунай грамотатынан, СӨ Судаарыстыбаннай Мунньаҕын бэрэссэдээтэлин солбуйааччы А.А.Григорьева илии баттааһыннаах Махтал суруктарынан наҕараадаланнылар.
«Ньурба оройуона» МО баһылыга Алексей Иннокентьев Хатыы уонна Ньурбачаан агрооскуолаларыгар 500 тыһ. солк. суумалаах Граннары үөрүүлээх быһыыга-майгыга туттарда. Ньурба оройуонугар аччыгый уонна дьоҕус биисинэһи өйөөн «Мой бизнес – мое будущее» зональнай форумҥа кыттыыны ылбыт СӨ урбаан, эргиэн уонна туризм министиэристибэтин миниистиригэр Высоких Ирина Сергеевнаҕа махтанарын биллэрдэ.
«Мой бизнес — мое будущее» форумҥа Үөһээ Бүлүү улууһун баһылыгын бастакы солбуйааччыта С.А.Михалев салайааччылаах кыттыыны ылбыт дэлэгээссийэ форум үрдүк таһымнаахтык ааспытыгар «Биисинэс-инкубатор» киин Михайлова Н.М. (ген.дириэктэр) кэлэктиибигэр, улуус дьаһалтатын баһылыгар А.М.Иннокентьевка махталын биллэрбит:
— Улуус баһылыга А.М.Инно­кентьев баар кыһалҕалартан хайдах туоруурга, саҥа көрүҥнэри арыйыыга, КФХ-ларга эдэр ыччат үлэ тэринэрин биһириирин, инникитин саҥа дьыаланы тэринээччилэргэ күүстээхтик, олохтоохтук ылсан үлэлииллэригэр кыах баарынан өйөбүл баар буолуутун туһунан этиитэ биһигини астыннарда. Урбаан миниистирэ И.С.Высоких франчайзинг туһунан, урбаан үлэтин инники былааннарын билиһиннэрдэ. Дьоҕус биисинэһинэн дьарыктанааччылар Ирина Сергеевнаҕа үлэҕэ көрсөр кыһал­ҕаларын, көмөҕө наады­йалларын туһунан туруорсуубутун болҕомтоҕо ылла.«Биисинэс-
инку­батор» салайааччыта Нюргуяна Михайловна биисинэс-инкубатордар ыкса сибээ­стээхтик үлэлэһиэ­ҕиҥ диэн ыҥырда.
Бары­­бы­тыгар туһалаах форум аас­та. Инникитин сайдыы суо­лун устун хорутуулаахтык айаннаан, ситиһии аартыгын өрө дабайан, улууспут, Сахабыт сирин сайдыытыгар төһүү күүс буолуоҕуҥ!

Антонина СЕМЕНОВА

Поделиться