«Тымныы полюһа-2019» ралли-рейдэ саҕаланна

Өрөспүүбүлүкэҕэ үгэскэ кубулуйбут “Тымныы полюһа—2019” тэрээһин 3 төгүлүн ыытыллар. Түөрт түһүмэҕинэн ыытыллар күрэхтэһиигэ уустук айаны сөбүлээччилэр кытталлар.

Кулун тутар 28 күнүгэр, сарсыарда 10 чаастан “Тымныы полюһа-2019” ралли-рейдэ Мэҥэ-Хаҥалас улууһун Төҥүлү нэһилиэгиттэн саҕаланна. “Төҥүлү нэһилиэгэ” МТ дьаһалтата 300-400 м харчынан бириистээх “Хаар айан” күрэҕи тэрийдэ.
Салгыы “Туризм” хайысха кыттыылаахтара култуура эбийиэктэрин таһыгар анал карточка тутан хаартыскаҕа түһүөхтэрэ. Карточкаҕа суруллубут нүөмэр массыына нүөмэригэр сөп түбэһэр.
Кыттыылаахтар биэс күн устата, уопсайа 2149 км уһуннаах суолунан, Өймөкөөн улууһун Томтор нэһилиэгэр айаннаан кыайыылааҕы быһаарыахтара. Бирииһи өрөспүүбүлүкэ баһылыга Айсен Николаев туруорда.