Ойуур форумун түһүмэҕэ — Дьокуускайга

Улахан тэрээһин 

Бэс ыйын 1-4 күннэригэр Дьокуускайга Госдума, РФ субъектарын парламеннарын кыттыылаах Национальнай ойуур форума буолар.

Улахан тэрээһиҥҥэ Госдума айылҕаҕа ресурсаларыгар, сир сыһыаннаһыыларыгар кэмитиэт бэрэссэдээтэлэ Николай Николаев, РФ судаарыстыбаннай мунньаҕын депутаттара Галина Данчикова, Валентина Пивненко, Алексей Канаев, Иркутскай уобалас судаарыстыбаннай мунньаҕын вице-спикера Ольга Носенко, Хабаровскай кыраай депутата Валерий Постельник, “Русский лес” ойуур бырамыыссыланнаһын ассоциациятын президенэ Алексей Желнеев, федеральнай министиэристибэлэр, биэдэмэстибэлэр бэрэстэбиитэллэрэ кэлэллэрэ былааннанар.
Форумҥа ойуур салаатыгар баар кыһал­ҕалар туһунан кэпсэтиэхтэрэ уонна ойуурга сыһыаннаах сокуоннары сайыннарыыга туһаайан этиилэр оҥоһуллуохтара. Үлэ түөрт былаһааккаларынан барыаҕа: “Ойуурга сы­һыаннаах үлэлиир сокуоннар”, “Ойуур хас сыаналааҕый”, “Ойуур уонна куорат айылҕата”, “Судаарыстыба уонна айылҕаны туһанар бизнес бииргэ үлэлэһиилэрэ”.
Национальнай ойуур форума федеральнай, регионнааҕы сокуону оҥорор уорганнар, ситэриилээх былаас аһаҕастык уопсастыбаны кытары кэпсэтэр былаһааккатынан буолар. Иккис сылын РФ Госдуматын, РФ ситэриилээх былааһын уорганнарын өйөбүлүнэн ыытыллар. Уопсайа 4 тыһ. киһи кыттыбыт, быйыл 6 сүөһүөххэ араарыллан регионнарга ыытыллар. Түмүк таһаарар тэрээһин балаҕан ыйыгар Москваҕа буолуоҕа.