“Тыа сирин тренерэ” бырагыраама үлэлиэн сөп

РФ ФМ Госдуматын физическэй култуураҕа, спорка, туризмҥа уонна ыччат дьыалаларыгар кэмитиэтин бэрэссэдээтэлэ Михаил Дегтярев спорт туһунан сокуоннары тупсарыыга былааннаахтарын туһунан РФ Президенигэр кэпсээтэ, чуолаан тыа сиригэр үрдүк квалификациялаах тренердэри тардыы боппуруоһугар үлэ барыахтааҕын иһитиннэрдэ.

«Сокуоннары оҥорууну тупсарыыга Сэбиэт бөлөҕө Россия Уопсастыбаннай палаататын кытта бииргэ үлэлээн уонна кинилэр сүбэлэригэр тирэҕирэн, сокуону оҥорууга үлэ былаанын бигэргэттэ. Сэбиэт бэрэссэдээтэлэ ону өйүүрүгэр эрэнэбит. Былааҥҥа сөп түбэһиннэрэн биһиги тыа сиригэр уонна кыра куораттарга квалификациялаах тренердэри тардыы боппуруоһун быһаарарга суоттанабыт. Бүгүн ити бырагыраама барыллааһын аата – “Тыа сирин тренерэ”,  — диэн иһитиннэрдэ Михаил Дегтярев президент Владимир Путин бэрэссэдээтэллээх физическэй култуура уонна спорт сайдыытыгар анаммыт Сэбиэт мунньаҕар.

Михаил Дегтярев итини сэргэ күрэхтэһиилэри тэрийиигэ, араас суолталаах тэрээһиннэр кэрискэлэрин оҥорууга уонна кинилэри үбүлээһиҥҥэ былаас бары таһымнарыгар боломуочуйалары чопчулуурга; регионнар спортивнай бэлэмнэниигэ, регионнааҕы спортивнай-эрчиллэр кииннэр үлэлэригэр уонна спорт көрүҥнэрин сайдыытын регионнааҕы бырагыраамаларын бигэргэтиигэ  боломуочуйаларын чопчулааһын; физкультурнай-спортивнай уопсастыбалар уонна спорт кулууптарын үлэтин бэрээдэктииргэ былааннаналларын эттэ.

Итини таһынан, спорт сокуонугар “любительскай спорт”, “корпоративнай спорт”, “оскуолатааҕы спорт лигата” өйдөбүллэри эбэргэ уонна итилэр сайдыыларын сүрүннүүргэ, тэрилтэлэр бэйэлэрин ааттарыгар “паралимпийскай” уонна “сурдлимпийскай” диэн тыллары туһанар быраабылаларын итиэннэ спорт объектарын тутууга анаан сиргэ аукциону ыытыыга бастакы сыананы быһаарыы биир бэрээдэгин олохтуурга  үлэлиир бөлөх суоттанар.

Михаил Дегтярев маны сэргэ үҥкүү спордун уонна акробатическай рок-н-ролл Бүтүн Россиятааҕы федерациятын үлэтигэр итиэннэ кини күрэхтэһиилэри ыытарыгар анал комплекс суоҕар болҕомтону тарта.

«Москваҕа, холобур, судаарыстыбаннай-чааһынай бииргэ үлэлээһин технологиятынан үҥкүү спордун дыбарыаһын тутуу бу бэртээхэй спорт көрүҥүн тарҕатыыга уонна сайыннарыыга олус көмөлөһүөх этэ», — диэтэ парламентарий.

Елена БАИШЕВА

Уважаемые читатели!

1. Покупая электронную версию Издания, вы осознаете, что покупаете ее исключительно для личного (семейного) пользования. Перепродажа или любая другая передача купленного вами номера газеты третьим лицам запрещается и может преследоваться по закону.
2. Обязанности продавца, в качестве которого выступает Издание, считаются выполненными с момента отправки Покупателю ссылка на скачивание купленного и оплаченного им номера газеты.
3. Стоимость газеты в розницу 30 руб.

ВАЖНО! Иногда, по независящим от Издания причинам, спам-фильтры Покупателя перебрасывают письмо с заказанной вами ссылкой в папку «Спам». Поэтому если вы не получили от нас автоматически сгенерированного письма со ссылкой, для начала проверьте папку «Спам». Если его нет и там — обращайтесь в нашу редакцию.