29 января 2016 в 09:24

Баһылыктар харчыны сыала суох туһаныы иһин уһуллуохтарын сөп

РИА Новости иһитиннэрбитинэн, муниципальнай тэриллиилэр уонна олохтоох дьаһалталар баһылыктара бюджеттар икки ардыларынааҕы трансфертары тус сыалынан туһамматах түгэннэригэр губернатордар кинилэри астаапкаҕа ыытар бырааптаналларын туһунан бырабыыталыстыба сокуонун барылын Госдума иккис уонна үһүс ааҕыыга ылынна.

Онон «РФ-ҕа олохтоох салайыныыны тэрийии уопсай тускулларын туһунан» федеральнай сокуоҥҥа уларыйыылар киирэллэр.
Докумуон быһаарыыларыгар этиллэринэн, тус сыаллаах бюджеттар икки ардыларынааҕы трансфертары, бюджет кредиттэрин атын сыалга туһанар, ону сэргэ олору биэрии (ороскуоттааһын) усулуобуйаларын кэһэр түгэннэригэр, РФ субъегын үрдүкү дуоһунастаах сирэйин иннигэр муниципальнай тэриллии уонна олохтоох дьаһалта баһылыктарын эппиэтинэһин механизма тупсарыллар кыахтанар.
Бэс ыйыгар Госдума регионнарга федеральнай боломуочуйалары биэрии судургутутуллубут бэрээдэгин уонна губернатордар боломуочуйаларын сөптөөхтүк толорбот түгэннэригэр кинилэри астаапкаҕа ыытар туһунан этиини федеральнай миниистирдэр бырабыыталыстыбаҕа киллэрэр бырааптарын туһунан сокуону ылыммыта. Ону сэргэ сокуоҥҥа этиллэринэн, боломуочуйалары олоххо киллэриигэ эппиэтинэстээх толоруулаах былаас регионнааҕы уорганнарын салайааччыларын эбэтэр кинилэр солбуйааччыларын, эбээһинэстэрин сөптөөхтүк толорбот түгэннэригэр, ууратар туһунан регион чунуобунньуктарыгар федеральнай миниистирдэр этии киллэриэхтэрин сөп.