“Ыллаа-туой, тыам сирэ!” үһүс төгүлэ

Ол чэрчитинэн улуус айар талааннаахтарын мунньан ахсынньы 12 күнүгэр Өксөкүлээх Өлөксөй аатынан норуоттар доҕордоһууларын дьиэтэ “Ыллаа-туой, тыам сирэ!” диэн үһүс төгүлүн дойдубут араас муннугуттан ааспыт кэм ахтылҕанын санатар ырыа-тойук киэһэтигэр ыҥырар. Бу эрэ күн Сахабыт сирин араас улууһуттан ырыа, үҥкүү киэһэтин истиҥ, эйэҕэс, күндүттэн күндү көрөөччүлэрбитигэр, эһиэхэ эрэ анаан көр-күлүү бастыҥын, ырыа эриэккэһин, үҥкүү үлүскэннээҕин хаһан да, ханна да көстүбэтэх тапталлаах тыабыт сирин талба-мааны талааннаахтара бэлэхтиэхтэрэ: күннээх аммалар, Манчаары дойдута мэҥэлэр, Дьөһөгөй айыылаах уус-алданнар, тоҕус томтордоох чурапчылар, Эҥсиэли хочотуттан, үрдүккэ дьулуспут горнайдар, ырыа-тойук аргыстаах үөһээ бүлүүлэр, айыылартан айдарыылаах, ырайтан ыйаахтаах Бүлүүттэн – дьөккөннөр, хампалар! Сыанаҕа бииртэн биир чулуу нүөмэр улуустартан талыллан киириэхтэрэ. Икки сыл анараа өттүгэр сылдьыбыт көрөөччү өйдүүр буолуохтаах – 183 талба талааннаах мустан сэргэх киэһэни бэлэхтээбиттэрин. Кэнсиэр бүтэ да илигинэ, көрөөччүлэрбит: «Аны маннык тэрээһин хаһан буолуой?» – диэн сураһа хаалбыттара. Былырыын иккис төгүлүн эдэрдэр, «Маҕарас маладьыастара» көрү-күлүүнү көҕүлүттэн туппуттара.
Дьэ онон, үһүс төгүлүн ыытыллар бырайыакка ахтылҕаҥҥытын та­һааран, дойдугут мүөттээх салгынын иҥэриниҥ, күүстэ-уохта ылыныҥ! Тыа сирэ – талаан биһигэ!