1019
10 июля 2015 в 11:57
Александр Жирков — уон бастыҥ спикер ортотугар
Саха Өрөспүүбүлүкэтин Судаарыстыбаннай Мунньаҕын (Ил Түмэн) Бэрэссэдээтэлэ Александр Жирков «Медиалогия» хампаанньа ыытар регионнар спикердэрин бэс ыйынааҕы медиарейтинигэр эмиэ уон бастыҥ иһигэр киирдэ.
Медиарейтиҥҥэ, ыам ыйыгар курдук, Крым Өрөспүүбүлүкэтин Судаарыстыбаннай Сэбиэтин спикерэ Владимир Константинов инники күөҥҥэ сылдьар, оттон Татарстан Өрөспүүбүлүкэтин Судаарыстыбаннай Сэбиэтин Бэрэссэдээтэлэ Фарид Мухаметшины солбуйан, бэс ыйыгар иккис миэстэҕэ Челябинскай уобалас Сокуону оҥорор Мунньаҕын Бэрэссэдээтэлэ Владимир Мякуш таҕыста. Мухаметшин 6-с миэстэҕэ буолла. Үһүс миэстэҕэ федеральнай суолталаах Севастополь куорат Сокуону оҥорор Мунньаҕын спикерэ Алексей Чалый туруктаахтык олохсуйда.
