796
14 октября 2016 в 15:06
Медведев ынаҕы ыыр роботтар бырайыактарын биҺирээтэ
«КыҺыл көмүс күҺүн – 2016» Россиятааҕы агропромышленнай быыстапка чэрчитинэн «Якутия» Технопарка» ГАУ резидент-хампаанньата «Р-Септ» ХЭТ (салайааччы Алексей Хахунов) бырайыага – кэккэ роботтартан турар автоматизацияламмыт ынаҕы ыыр системаны (ынаҕы ыыр, сүөҺү аҺылыгын тарҕатар, тэҥниир роботтар, «Карусели» бириинсибинэн ыыр система) үөскэтии – көрдөрүлүннэ.
«Р-Септ» ХЭТ бырайыагын РФ Бырабыыталыстыбатын Бэрэссэдээтэлэ Дмитрий Медведев кэрэхсээтэ уонна суолталааҕын бэлиэтээтэ. Ити туҺунан «Якутия» технопарка» иҺитиннэрдэ.
Инвестордар көстөр уонна НИОКР түмүктэнэр усулуобуйаларыгар маннык роботтары Саха сиригэр оӨоруу тэриллиэҕэ, бу өрөспүүбүлүкэ промышленнай оӨорон таҺаарыыта үүнүүтүгэр сабыдыаллыаҕа уонна АПК автоматизациялааҺыны чэпчэтиэҕэ.
Маны сэргэ Саха Өрөспүүбүлүкэтин стендэтигэр «Покровскайдааҕы теплица комплекса» ХЭТ генеральнай директора Александр Морозкин теплица комплексын тутууга инвестиция бырайыагын билиҺиннэрдэ. Бу бырайыак «Покровскай» Агропромышленнай паарка тирэх резиденинэн буолар.
ҺөҺэ ахтыллар быыстапканы сэргэ Бүтүн Россиятааҕы тыа сирин ыччатын үөрэҕин форума буолан ааста. Манна «Якутия» технопарка бэрэстэбиитэлэ Гурьев Айсен, «СӨ АПК консультациялыыр-методологическай киинэ» АУ бэрэстэбиитэлэ Дмитрий Филиппов, СӨ Тыа хаҺаайыстыбатыгар уонна ас-үөл политикатыгар министиэристибэтин бэрэстэбиитэлэ Иван Дьячковскай сырыттылар.
Форумҥа үлэ түмүгэр Россиятааҕы тыа сирин ыччатын түмсүүтүн бэрэссэдээтэлэ Дмитрий Пекуровскайы кытта СӨ -гэр ити тэрилтэ регионнааҕы бэрэстэбиитэлистибэтин аҺар туҺунан сөбүлэстилэр. Оччоҕуна тыа сирин социальнай-экономическай сайдыытыгар тыа сирин ыччата кыттар усулуобуйалара үөскүөхтэрэ.
