Саха киинэтэ Канада фестивалыгар бастыҥ драманан ааттанна

«Best Feature Drama» сүрүн бирииһин иһин уопсайа сэттэ үлэ киирдэ.

Дмитрий Давыдов фестиваль жюритыгар, көрөөччүлэригэр махтал тылларын эттэ. «Саха киинэтэ аан дойду таһымыгар тахсыбытыттан үөрэбит. Үрдүк сыанабылгыт иһин махтанабыт», — диэтэ кини.

«imagineNATIVE» фестивалга аан дойдуттан барытыттан бааллар.

«Костер на ветру» Пусанскайдааҕы фестивалга кыттыбыта. Онно Азия кириитигэ Мэгги Либиир бастыҥ киинэнэн ааттаабыта.

Киинэҕэ Саха сирин биир сэлиэнньэтигэр буолар быһыы-майгы көстөр. Сүрүн дьоруой Игнат соҕотох уолун кытта олорор, бытархай идэтинэн дьарыктанар. Биирдэ уола алҕас доҕорун өлөрөн кэбиһэр. Ол кэнниттэн икки аҕа иирсиитэ саҕаланар. Киинэ иэдээн, дьолу көрдөөһүн уонна буруйу толуйуу туһунан кэпсиир.

Вероника АММОСОВА, СИА.