Торуой Чочу чулуу уола

Ол курдук нэһилиэк эрэ буолбакка, саха дьоно, бүтүн өрөспүүбүлүкэ киэн туттар киһитэ Социалистичекай Үлэ Дьоруойа, сахаттан бастакы экскваторщик, алмаас промышленноһыгар өр сылларга тахсыылаахтык үлэлээбит Семен Митрофанович Васильев төрөөбүтэ 100 сылынан, кини кэрэхсэбиллээх холобур буолар оло±ун, үлэтин-хамнаһын бар дьонун өйүгэр-санаатыгар умнуллубаттыы ахтан-санаан, сырдык аатыгар сүгүрүйдүлэр.
Дьоруой төрөөбүт уонна олорбут сиригэр Эбэ±э аһыллыбыт мемориальнай дуоска±а алта бииргэ төрөөбүттэр ааттара толору киллэриллибитэ биир туспа кэрэхсэбиллээх: бу дьон бары норуот хаһаайыстыбатын араас салааларыгар сүрэхтэрин-бэлэстэрин ууран тахсыылаахтык үлэлээбит, холобур буолар оло±у олорбут дьоһун дьон. Автор этэринэн, олохтоохтор уонна бу үөрүүлээх түгэн ыалдьыттара муус устар 13 күнүгэр Чинэкэ±э Дьоруойдар сквердэригэр гирлянда ууран, оскуола±а үөрэнээччилэри, кэлэктииби кытары истиІ-иһирэх быһыыга-майгыга көрсөн, ытыктыыр Дьоруойдарын тула санааларын үллэстэн, «Кыталык» сынньалаІ киинигэр Семен Митрофанович Васильевынан сирэйдээн нэһилиэк үс дьоруой дьонугар анаан ыыппыт кэнсиэрдэригэр олохтоохтор чахчы да биир тыынынан илгийэр дьоро түгэІІэ кыттан, астыннылар.
Чинэкэ±э «Кыталык» сынньалаІ киинигэр уонна Бүлүү куоратыгар ОлоІхо дьиэтигэр суруналыыстыка±а өрөспүүбүлүкэ судаарыстыбаннай бириэмийэтин лауреата, култуура үтүөлээх үлэһитэ, Бүлүү куорат уонна Чинэкэ бочуоттаах олохтоо±о  Николай Крылов хомуйан оІорбут «Васильев Семен Митрофанович» диэн кинигэтин бар дьоІІо билиһиннэриигэ дьоруой олорон ааспыт кэмин, тус оло±ун туһунан истиІ ахтыы, ааптарга махтаныы киэһэлэрэ буолан аастылар. Кинигэ±э 10 №-дээх Бүлүүтээ±и быыбардыыр уокуруктан Ил Түмэн депутата Юрий Окоемов ахтыыта эмиэ баар. Манна да±атан эттэххэ, депутат Дьоруой туһунан кинигэ күн сирин көрөрүгэр кырата суох кылаатын киллэрбитин ааптар бэлиэтиир. Кинигэни сүрэхтээһиІІэ элбэх киһи кыттыбыт, ол иһигэр Чинэкэ±э үлэлээн ааспыт ааптар кэргэнэ Анна Крылова, Степанида Митрофановна уола Андрей Румянцев, Иннокентий Митрофанович кыргыттара Розалия, Екатерина, сиэнэ Жанна кэлбиттэрин үөрэ көрсөн, истиІник кэпсэттилэр, чугастыы билистилэр.
Ити курдук Семен Митрофанович Васильев а±а көлүөнэ саха дьоно промышленность уустук эйгэтигэр хайдах курдук ситиһиилээхтик сыстан, сахаттан бастакы экскваторщик буолан, алмаас промышленноһыгар өр сылларга кимиилээхтик үлэлээн, Социалистичекай Үлэ Дьоруойугар тиийэ үүммүт туохха да холооно суох дьоһуннаахай тус холобурун биир дойдулаахтара бүтүн үйэни уІуордаан туран, бэрт истиІник, иһирэхтик ахтан-чиэстээн аастылар.

С.М.Васильев:
1934 с. – үлэтин биографията Гострудсберкасса систиэмэтигэр са±аламмыта;
1944 с. – Дьокуускайга көһөн кэлэн, бэчээт уорганнарыгар үлэлээбитэ;
1945-1946 сс. – Кыһыл Аармыйа кэккэтигэр сулууспалаабыта, милитаристскай Японияны утары кыргыһыы кыттыылаа±а:
1946-1959 с. – «Кыым» хаһыат эрэдээксийэтин отделын сэбиэдиссэйэ;
1960 с. – «Мир» туруупка карьерыгар ЭКГ-4 экскаватор машиниһа;
1964 с. – экскаваторщиктар биригэдьиирдэрэ;
1964 с. тохсунньу 24 күнүгэр алмааһы хостуур промышленноһы тэрийиигэ ситиһиитин иһин, Социалистическай Үлэ Дьоруойун аата иІэриллибитэ (Ленин уордьаннаах уонна «Серп и Молот» кыһыл көмүс мэтээллээх).

Бэйэбит кэр.