07 августа 2015 в 17:53

XXXI сайыҥҥы Олимпийскай оонньуулар саҕаланаллара биир сыл хаалла

2016 сыл атырдьах ыйын 5 күнүгэр Рио-де-Жанейро куоракка XXXI сайыҥҥы Олимпийскай оонньуулар саҕаланыахтара. Тэрээһин атырдьах ыйын 5-21 күннэригэр ыытыллыаҕа.

Олимпиада киининэн Рио-де-Жанейро куораты 2009 сыллаахха алтынньы 2 күнүгэр талбыттара. Олимпиада Соҕуруу Америкаҕа аан бастакытын ыытыллар. Барыллаан ааҕыынан, оонньууларга 205 дойдуттан 12000 спортсмен кыттара күүтүллэр. Спорт 33 көрүҥэр уопсайа 306 мэтээллэр кэмпилиэктэрэ оонньонуоҕа.

Олимпиада бэлиэтэ – Үҥкүүлүү турар дьон. Эмблема дьүһүннэрэ – араҥас, халлаан күөх уонна өт күөх. Бу дьүһүннэр хайаны, күнү уонна Бразилия муоратын көрдөрөллөр, ону таһынан дойду национальнай былааҕын өҥнөрө буолаллар. Интэрниэт ситимигэр ыытыллыбыт куоластааһын түмүгүнэн, талисманнар Том уонна Винисиус диэн (Бразилия музыканнарын чиэһигэр) ааттаммыттар. Мэтээллэри күндү металлартан оҥоруохтара.
XXXI сайыҥҥы Олимпийскай оонньуулар программаларыгар регби уонна гольф көрүҥнэригэр күрэхтэр киирэ сылдьаллар. Гольфу оонньооччулар 1900 уонна 1904 сыллардаахха эрэ күрэхтэспиттэрэ. Онтон гольф спорт олимпийскай көрүҥнэрин испииһэктэриттэн туоратыллыбыта.

Лондоҥҥа ыытыллыбыт оонньуулары санаан аһарар эбит буоллахха, Евгения Колодко, Елена Аржакова (чэпчэки атлетика) уонна Кристина Томофеева (оҕунан ытыы), Николай Ноев (көҥүл тустуу) кыттыбыттара.

Мария Павлова.