Саха сиригэр сөптөөх медицинскэй көмөнү ситиһэргэ

Национальнай бырайыак чэрчитинэн өрөспүүбүлүкэ 7 федеральнай бырайыакка кыттар

Бу сыл тохсунньу маҥнайгы күнүттэн дойду регионнарыгар “Доруобуйа харыстабыла” национальнай бырайыак” үлэтин саҕалаабыта номнуо 9 ыйын туолла. Федеральнай бырайыак чэрчитинэн аҕыс араас хайысхалаах үлэлэр ыытыллаллар. Ити курдук алта сыллаах бырагыраамаҕа дойду бюджетыттан барыта 1 725,9 млрд солк. ороскуоттанара былааннанар. Оттон бу сыллааҕы үлэлэр былааннарын ылан көрдөххө: ыарыылары диагностикалааһыҥҥа уонна эмтээһиҥҥэ клиническэй мэктиэлэр саҥардыллыахтара, 20 тымыр уонна 90 онкология кииннэрэ материальнай-техническэй базалара хаҥатыллыаҕа. Ону таһынан, искэн ыарыыларын уонна ыарыыга ылларбыт биирдиилээн дьону булан эмтииргэ аныгылыы коммуникационнай хампаанньа тэриллиэҕэ. Дойду программатын эппиэттээх толорооччутунан РФ Бырабыыталыстыбатын бэрэс­сэдээ­тэлин солбуйааччыта Татьяна Голикова анаммыта.

Саха сирэ дьоллоох  сэттэ сыыппарата

Саха сирин өттүттэн СӨ Доруобуйа харыстабылын министиэристибэтэ национальнай бырайыак чэрчитинэн 7 федеральнай бырайыакка кыттар:  медико-санитарнай көмөнү оҥоруу систиэмэтин сайдыыта; сүрэх-тымыр, искэн ыарыыларын утары охсуһуу; оҕо доруобуйатын харыстабылын сайыннарыы, ол иһигэр оҕолорго аныгылыы медицинскэй көмө инфраструктураларын оҥоруу; доруобуйа харыстабылын систиэмэтигэр үрдүк таһымнаах кадрдары бэлэмнээһин, доруобуйа харыстабылын эйгэ­тигэр биир кэлим цифровой судаа­рыстыбаннай иһитиннэрэр  систиэмэни оҥорууну ситиһии (ЕГИСЗ) уонна  тастан киирэр медицинскэй өҥөлөрү сайыннарыы. Бу регионнааҕы федеральнай бырайыактар “Pазвитие здравоохранения Республики Саха (Якутия) на 2018-2022 годы” диэн бырагыраамаҕа олоҕуран оҥоһуллубуттара.

Бырайыак сыала — бастакы сүһүөх медико-санитарнай көмөнү сөптөөхтүк оҥорор медицин­скэй тэрил­тэлэргэ нэһи­лиэнньэ  сылдьар кыа­ҕын үрдэ­тии, биирдиилээн дьон  профилактическай медицинскэй көрүүлэри сылга бииртэн кырата суох ааһал­ларын ситиһии, медицинскэй тэрилтэлэр үлэлэ­рин оптимизациялааһын, медицинскэй тэрилтэлэргэ эмтэнээччи уочаракка олорор бириэмэтин кылгатыы, бырааска суруттарыынан приемҥа киирэр процедураны судургутутуу уонна Саха Өрөспүүбүлүкэтин эмтэнээччилэр бырааптарын көмүскүүр систиэ­мэтин оҥорору ситиһии.

Региоҥҥа национальнай бы­­райыагы олоххо киллэрии эппиэ­тинэһэ СӨ Доруобуйа харыстабылын министиэристибэтигэр сүктэриллибитэ.  Бырайыагы стратегическай сайыннарыы офиһын  састаабыгар кураторынан  СӨ Бырабыыталыстыбатын бэрэссэдээтэлин солбуйааччыта Ольга Балабкина,  салайааччытынан СӨ Доруобуйа харыстабылын миниистирэ Елена Борисова уонна администраторынан миниистири солбуйааччы  Людмила Вербицкая анаммыттара.

Санатар буоллахха, РФ Доруобуйа харыстабылын министиэристибэтэ бэлэмнээбит  “Доруобуйа харыстабыла” национальнай бырайыага аҕыс хайысханан үлэлиир: сүрэх-тымыр, искэн ыарыыларын эмтииргэ бастакы сүһүөх медицинскэй көмөнү оҥорор үлэлэри тупсарыы, оҕолорго медицинскэй көмө оҥоруу үлэлэрин сайыннарыы, медик-специалистары бэлэмнээһин, доруобуйа харыстабылын цифровизацията, национальнай медицинскэй кииннэри уонна  медицинскэй туризмы тупсарыы. Дойду федеральнай бырайыагын сүрүн сыаллара: 2024 сылга күүтүллэр киһи олоҕун 78 сааска диэри уһатыы, дойду регионнарынан  киһи өлүүтүн 17%-ҥа тиийэ аҕыйатыы, искэн ыарыыттан  киһи өлүүтүн көрдөрүүлэрин 8% диэри намтатыы, сүрэх-тымыр ыарыыларын көрдөрүүлэрин 24%-нан  түһэрии уонна  регионнарынан орто медицинскэй персонал, быраас идэлээх каадырдар  дефициттэрин 95%-ҥа диэри аҕыйатыы.

8  хонтуруоллуур точка ситиһилиннэ

Саха сирин биэдэмистибэтэ федеральнай бырайыакка ыйыллыбыт хонтуруоллуур точкаларын ситиһэр сыалтан, региональнай таһымнаах араас нормативнай докумуоннары бэлэмнээн бигэргэппитэ, ол иһигэр Россиятааҕы Доруо­буйа харыстабылын минис­тиэристибэтин кытта сөбү­лэ­һил­либит 4 региональнай бырагыраа­ма буолар. Бу бырайыак сүрүн хайыс­халара:  сүрэх-тымыр, искэн ыарыыларын кытта охсуһуу,  оҕолорго доруобуйа харыстабылын уонна санитарнай авиация стратегиятын  сайыннарыы. Биэдэмистибэ сайтыгар таһаарбыт отчуотугар суруллубутунан:  билиҥҥи туругунан региональнай бырайыактары олоххо киллэриитигэр федеральнай бюджеттан субсидия көрүллэригэр 7 сөбүлэһии түһэрсиллибит (100 % үбүлэниилээх 3 сөбүлэһии  бюджет истэринэн трансферынан  уонна  4 сөбүлэһии субсидиянан). Сыл аҥардаах үлэ түмүгүнэн министиэристибэ барыта 58 былааннаммыт закупкаттан 57-тин таһаарбыт. Региональнай бырайыактарга сыл аҥаарынан былааннаммыт  8 хонтуруолунай точканы тэрийии билигин   ситиһиллэн турар.

«Новая модель медицинской организации, оказывающей первичную медико-санитарную помощь» («Бережливая поликлиника») бырайыак чэрчитинэн Саха сиригэр  бастакы сүһүөх медико-санитарнай көмөнү оҥорор региональнай киин тэриллибитэ уонна барыта 9 медицинскэй тэрилтэҕэ  “бережливай” технология моделлара киллэриллибитэ: Дьокуускай куоракка — 4 уонна Алдан, Өлүөхүмэ, Мииринэй, Нерюнгри оройуоннарынан — 5 киин оройуоннааҕы балыыһаларыгар. Алта сыл устата  профилактическай көрүүлэринэн: 2019 с. — 482, 2020 с. — 491, 2021 с. — 502, 2022 с. — 548, 2023 с. — 573 уонна 2024 с. — 672 тыһ. киһини хабаллара  былаан­нанар.

Василий ПРОКОПЬЕВ

Подробнее читайте в свежем номере газеты по указанной ссылке.

Парламент хаhыата № 38 (2084) Балаҕан ыйын 27 күнэ, 2019 сыл

Уважаемые читатели!

1. Покупая электронную версию Издания, вы осознаете, что покупаете ее исключительно для личного (семейного) пользования. Перепродажа или любая другая передача купленного вами номера газеты третьим лицам запрещается и может преследоваться по закону.
2. Обязанности продавца, в качестве которого выступает Издание, считаются выполненными с момента отправки Покупателю ссылка на скачивание купленного и оплаченного им номера газеты.
3. Стоимость газеты в розницу 30 руб.

ВАЖНО! Иногда, по независящим от Издания причинам, спам-фильтры Покупателя перебрасывают письмо с заказанной вами ссылкой в папку «Спам». Поэтому если вы не получили от нас автоматически сгенерированного письма со ссылкой, для начала проверьте папку «Спам». Если его нет и там — обращайтесь в нашу редакцию.