940
22 февраля 2017 в 12:23
Бырааһынньык суолтатын сүтэрбэт
Аҕа дойдуну көмүскээччилэр күннэринэн!! Олунньу 23 күнэ бастаан Кыһыл Аармыйа күнүнэн биллэриллэн бэлиэтэнэр буолбута. Онтон 1946 сыллаахха Сэбиэскэй Аармыйа уонна Муора флотун күнүгэр уларытыллыбыта. Сэбиэскэй Сойуус диэн улуу держава суох буолбутун кэннэ, бу күн Аҕа дойдуну көмүскээччилэр күннэринэн биллэриллибитэ. Миэстэтин сыҕарытыыттан суума уларыйбат диэн этиинэн сиэттэрдэххэ, бырааһынньык аата уларыйбытын да иһин, суолтатын сүтэрбэт дии саныыбыт.
Бүгүн биһигини кытта сэһэргэһээччилэрбит Сойуус саҕана аармыйаҕа сулууспалаабыт дьон. Кинилэр оччолорго Сэбиэскэй Аармыйа былааҕын аннынан дойдуларын көмүскээччилэринэн ааҕыллаллара. Кинилэр эдэр ыччакка туох диэн этэр эбиттэрий?
Муома улууһун депутаттарын сэбиэтин бэрэссэдээтэлэ Александр Шадрин:
— 1987-1989 сылларга Читаҕа Антипиха диэн бөһүөлэккэ Брежнев тааҥканан дивизиятыгар, массыына батальона дэнэр чааска сулууспалаабытым. Онно дьиссипилиинэҕэ, бэйэни дьаһанарга үөрэммитим, этэргэ дылы, олоххо бигэтик үктэнэр ис сүнньүлээх буолан дойдубар төннүбүтүм. Ханнык баҕарар эр киһи аармыйа оскуолатын ааһыахтаах дии саныыбын. Бэйэтин чиэһин түһэн биэрбэккэ, дьоһуннук сырыттаҕына, дойдутугар олоххо дириҥ көрүүлээх чыҥха атын киһи буолан төннүөҕэ. Билигин араас ис хоһоонноох иһитиннэрии кэбэҕэстик тарҕанар кэмэ. Учүгэй даҕаны, мөкү да суолталаах. Мөкү өрүттээх сонуннарынан дьон үлүһүйдэ. Јскөтүн оҕолорбутун үтүө дьон, уолаттарбытын Аҕа дойдуларын дьоһун көмүскээччилэр курдук иитэн таһаарыахпытын баҕарар буоллахпытына, үчүгэй холобур буолар иһитиннэриини, холобур, патриоттуу хабааннаах сонуннары тарҕатыахха, өрө тутуохха. Мин үс оҕолоохпун, онтон иккитэ – уолаттар. Тустаах кинигэни аахтарарга, Интернеккэ эмиэ сөптөөх иһитиннэриини булалларыгар кыһаллабын.
Амма улууһун депутаттарын Сэбиэтин бэрэссэдээтэлэ Алексей Карманов:
— Мин 1970-1972 сылларга Приморскай кыраайга 20-с ракетнай биригээдэҕэ сулууспалаабытым. Саха сириттэн 70
бэртэрэ тиийбиппит. Саха сирин түһэн биэрбэт курдук, чиэһинэйдик сулууспалаабыппыт. Уруккута ийэтин-аҕатын бүөбэйигэр сылдьыбыт уол олоҕун бэйэтэ дьаһанар аҕыс кырыылаах эр бэрдэ буола уларыйарыгар аармыйаҕа сулууспалыыра улахан өӨөлөөх дии саныыбын. Кэлин араас түбэлтэлэр тахсаннар, аармыйаҕа сулууспалыыртан куотунар буолбуттара. Ол эрээри, кэнники сылларга дьиссипилиинэни кытаатыннаран, сулууспалааһын суолтатын үрдэттилэр. Төһө да дойду политиката уларыйдар, дойдуну көмүскээччилэр, чахчы ис санааларыттан дойдуларын таптааччылар син биир баар буолуохтара. Онон бу күнү хайдах да ааттаатыннар, суолтата уларыйыа суоҕа.
Уөһээ Бүлүү улууһун депутаттарын Сэбиэтин бэрэссэдээтэлэ Семен Михалев:
— Аармыйаҕа сулууспа суолтата үрдээтэ. Холобур, уолаттар аармыйаҕа сулууспалаабыт эрэ буоллахтарына, сааны тутталларыгар көӨүл биэрэллэр. Улэҕэ киирэллэригэр, сулууспалаабатах уонна сулууспалаабыт киһиттэн иккиһин талан ылыахтара. Онон эдэр дьон бу дойдуларын иннигэр ытык иэс буоларын өйдүүллэр. Оттон патриоттуу санааны ыччакка хайдах иҥэрэбит диэн боппуруос уустук. Урукку Сойуус оҕолоругар бу санааны сэбиэскэй сэриилээх киинэлэр саҕаллара. Дойдуларын туһугар тыыннарын толук ууран, тохтоло суох табыгырыы турар бүлүмүөтү түөстэринэн бүөлүү түһэр саллааттары көрөн, Аҕа дойдуга муҥура суох таптал күүһүн өйдүүрбүт. Оттон билигин итинник патриоттуу тыыннаах киинэлэри көрдөрбөттөр. Интернетинэн күлүү-элэк курдук араас иһитиннэриилэри тарҕаталлар. Хата, кэлин биһиги өрөспүүбүлүкэбитигэр Ийэ дойдуга тапталы саҕар хамсааһыннар баар буоллулар.
