998
15 мая 2015 в 10:31
Чурапчыга сэрии ветераннарын, сэрии оҕолорун босхо көрүү
Кыайыы 70 сылын чэрчитинэн норуот депутата Павел Пинигин Доруобуйа харыстабылын министерствотын нөҥүө Чурапчы нэһилиэктэригэр босхо медицинскэй көрүүнү тэрийдэ.
Ол курдук 5 быраас тахсан сэрии ветераннарыгар, сэрии оҕолоругар искэ-үөскэ, сүрэххэ УЗИ оҥордулар, кырдьаҕастар бүөрдэрин, үөстэрин, сүрэхтэрин, уопсай туруктарын көрдөрдүлэр. Эмчиттэр барыта тоҕус нэһилиэккэ, икки учаастакка сырыттылар.
Маны сэргэ Павел Павлович ыам ыйын 6 күнүгэр киин куоракка олорор ветераннарга дьиэлэригэр ыалдьыттаата, сирэй көрсөн кэпсэтэн, тыын боппуруостарын туоһуласта, Кыайыы күнүнэн эҕэрдэлээн бэлэх туттарда.
