Гектар сири ыллым!

Гектары сиргэ сайаапканы, быраабыла быҺыытынан, Надальнийвосток.рф диэн саайтка киирэн эбэтэр kk5.rosreestr.ru диэн дьоҥҥо-сэргэҕэ аҺаҕас кадастр каартатыгар киирэн биэриэххэ сөп. Эбэтэр — элбэх функцияны оӨорор киин нөҥүө.

Алтынньы 1 күнүттэн «УҺук Илиҥҥи гектар туҺунан» сокуон үлэлээтин кытары, үгүс киҺи тоҕоостоох ньыманан сайаапка биэрбит. Интернет нөҥүө биэрээччилэр үгүс харгыстары көрсүбүттэрин туҺунан дьону кытары үллэстэллэр. Ону сэргэ сир ыларга сайаапканы Интернет нөҥүө кэбэҕэстик биэрэн, үөрүүлэрин кытары үллэстээччилэр эмиэ бааллар. БиҺиги биир оннук сатабыллаах эдэр киҺини Саадык Баджины кытары көрсөн кэпсэттибит. Кини Дьокуускай олохтооҕо, ыал аҕата, омугунан саха. Саадык биҺиэхэ тустаах саайтка киирэн сайаапканы хайдах биэриэххэ сөбүн кэпсээтэ.

Бастакы хардыы. Судаарыстыбаннай өҥөлөр саайтарыгар эрдэ регистрацияламмыт буоллаххына, УҺук Илиҥҥи гектар саайтыгар киирэн сайаапка ыытар арыый чэпчэки. Мин судаарыстыбаннай өҥөлөр саайтарыгар эрдэттэн регистрацияламмыт буоламмын, саайтка киирэн чаастан ордук эрэ курдук сайаапка толорон ыыппытым. Оскөтүн судаарыстыбаннай өҥөлөр саайтарыгар регистрацияламматах буоллаххына, манна эбэтэр  гектар саайтыгар регистрацияны ааҺыаххын наада. Маныаха бары дааннайдаргын киллэрэн, Киин почтаҕа баран бэйэҕин бигэргэтэҕин. Ол кэннэ, логин, пароль талаҕын уонна саайтка киирэн, сайаапка биэрэҕин.

Иккис хардыы. Саайтка хаҥас өттүгэр меню холуонкатыгар баар  «Личный кабинет» киирэҕин. Онно УҺук Илин каартата баар. Ол каартанан көрөн УҺук Илин хайа баҕарар регионыгар баҺыламматах сири ылар туҺунан сайаапка ыытыахха сөп. Мин, биллэн турар, бэйэм өрөспүүбүлүкэбэр сири көрдөөбүтүм. Учүгэй суоллаах-иистээх, Дьокуускайтан чугас диэн Нам уонна Хаҥалас улуустарын сирдэрин сыныйбытым. Намҥа чугаҺынан босхо сир суох этэ, суола-ииҺэ суох сирдэргэ баара. Ол иҺин Хаҥалас Октөмүгэр хараҕым хатаммыта. Онно өссө да баҺыламматах сирдэр бааллара.

ҺҺүс хардыы. Сир таларгар саайтка талбыт сиргин штрихынан эргитэҕин уонна менюга киирэн «бэрэбиэркэ» диэни баттыыгын. Оччоҕо саайт бу сир УҺук Илиҥҥи гектар сокуонунан бэриллиэн сөбүн-суоҕун бэрэбиэркэлиир.  Талыллыбыт сир атын хаҺаайыннаах эбэтэр сокуонунан хабыллыбат буолуон сөп. СыыҺа эргитиллибит буоллаҕына, кыҺыл өӨнөнөр, оттон бэриллиэн сөп буоллаҕына — от күөҕүнэн бэлиэтэнэр. КыҺыл өҥүнэн бэлиэтэммит өтүттэн тэйэн, ылар сириӨ барыта күөх өҥнөнүөр диэри редакциялаан биэрэҕин.  Ол курдук, саайтка баар каартаҕа мин Октөм таҺынааҕы гектар сири төгүрүппүтүм.

Төрдүс хардыы. Дьэ, сир талан баран «Личный кабинекка» киирэҕин. Онно «Сайаапка биэрии» диэни талаҕын. Пааспарыҥ хаартыскалаах уонна бырапыыскалаах сирэйдэрин сканируйдуугун уонна «Докумуоннары киллэрии» диэнинэн киллэрэҕин. Саайтка баар сайаапка киэбин хачайдаан ылаҕын. Ону хайдах толоруллар туҺунан киҺи өйдүүрүн курдук суруллар. Сайаапка киэбин толороҕун, илии баттыыгын уонна сканируйдаан баран, төттөрү саайтка киллэрэҕин. Сир схематын эмиэ оннук ньыманан саайтка эмиэ киллэриэххин сөп. Ол кэннэ сайаапка сөпкө-сыыҺа толоруллубутун бэрэбиэркэлиигин. Сайт хаӨас өттүгэр сыыҺаҥ -халтыҥ тахсар, ону көннөрөн биэрэҕин. Сөпкө толоруллубут сайаапканы «отправить» диэни баттаан ыытаҕын.

БэҺис хардыы. Ол кэннэ, саайт эйигин автоматическайдык «Личный кабинет» киллэрэр. Онно эн ыыппыт сайаапкаҥ ханнык турукка сылдьара көстөр. Ол эбэтэр, ханна тиийбитэ, хаҺан көрүүгэ ылбыттарын, ким көрүүгэ ылбыта дьэҥкэтик көстөр. Маҥнайгы үс күҥҥэ сайаапкаҥ туҺунан информация тахсыбат. Онтон сөпкө толоруллан ыытыллыбытын быҺаарбыттарын кэннэ «Личный кабинетка» сайаапкаҥ ханна тиийбитин, ким көрүүгэ ылбытын туҺунан информация тахсан кэлэр. Быраабыла быҺыытынан 30 күн устата сайаапкаҕар эппиэт биэрэллэр. Мин алтынньы 2 күнүгэр сайаапканы биэрбитим. Бакаа «добро» биэрэллэрин кэтэҺэ сылддьабын. Бу ый бүтүүтэ биллиэхтээх.

«УҺук Илиҥҥи гектар» сокуонунан сир ыларга сайаапка биэрэн баран бу курдук кыра бэлиэтээҺиннэр оҥордум:

• Дьиҥэ, Интернет нөҥүө биэрэр түргэн.Оскөтүн эрдэ судаарыстыбаннай өҥөлөр саайтарыгар регистрацияламмыт буоллаххына.
• Интернеты үчүгэйдик баҺылаабыт дьонунан 20-45 саастаахтар буолаллар. Кинилэргэ сайаапка биэрии олус уустук садаача буолбатах.
• Мин сайаапка биэрэрбэр саайт хаста да харан ылбыта. Олус элбэх киҺи бары сэргэ киирбиттэриттэн харыан сөп дии саныыбын. Бу итэҕэҺи туораталлара буоллар.
• Интернета суохтар эбэтэр саастаах өттүлэр Элбэх өҥөнү оҥорор киин нөҥүө сайаапка биэриэхтэрин сөп.
• Мин билэр дьонум дьиэ кэргэнинэн төрдүө буолан сайаапка биэрэннэр, 4 гектар иэннээх сири ылар эрэллээхтэр.
• Саайтка араас салааларынан үлэлиир судаарыстыбаннай бырагырааммалар туҺунан информация элбэх.

Оттон мин эдэр киҺиттэн сири ханнык сыалга-сорукка туҺанаары ылан эрэрин туҺунан ыйыталаҺабын.

— Сири бэйэ бас билиитигэр ылыы диэн үлэ саҕаланыыта эрэ. Ол кэннэ дохуот аҕалар курдук баҺылыахха наада.  Мин сайаапка киэбин толорорбор тыа хаҺаайыстыбатын кыылын иитэргэ былааннанабын диэн суруйбутум. Гектар туҺунан сокуону истэн баран, бИлиҥҥи үлэм-хамнаҺым туҺунан толкуйдаабытым, ыйааҺыннаан көрбүтүм. Бюджекка үлэлээн, син биир эбии дохуоттаммаккын, хамнаҺыӨ айаххын ииттинэргэр эрэ тиийэр дии саныыбын. БиҺиги өрөспүүбүлүкэбитигэр тыа хаҺаайыстыбатын салаатыгар үгүс бырагыраама үлэлиир, субсидия бэриллэр. Ол иҺин тыа хаҺаайыстыбатынан дьарыктанан, эбии дохуоттанар санаалаахпын. Бастаан хоруолук иитиэм, онтон бөдөҥсүйүү өттүгэр соруктаныам. КиҺи кэрэхсиирэ диэн, гектар туҺунан сокуонан тыа хаҺаайыстыбатынан дьарыктанааччыларга арыый чэпчэтии көрүллэр. Сахабыт сиригэр тыа хаҺаайыстыбата сайдара булгуччу наада. Натуральнай, сибиэҺэй бородууксуйа аан дойдуга көмүс тэҥэ сыаналанар буолла. БиҺиги сирбитигэр-уоппутугар иитэр кыах баҺаам. Онон ылсыахха эрэ наада!