737
02 марта 2018 в 12:01
ИНФОГРАФИКА: Республикатааҕы “Дьиэ кэргэн” Ийэ хапытаала
Дьиэ кэргэн — таптал хатыламмат эйгэтин, өйдөһүүнү уонна үтүө санааны түстүүр саамай чугас дьоммут. Ыал духуобунай уонна өй-санаа өттүнэн толору буолуутуттан уопсастыба чэгиэн туруга уонна хас биирдии судаарыстыба сайдыыта тутулуктаах. Иллээх, бигэ туруктаах, дьарыктаах, чөл олохтоох, кэрэ сиэрдээх эрэ дьиэ кэргэҥҥэ чэгиэн доруобуйалаах, кэскиллээх өйдөөх-санаалаах, чөл куттаах, дьоҕурдаах, үтүө майгылаах киһи иитиллэн тахсар. Онон «Дьиэ кэргэн — судаарыстыба тирэҕэ» диэн этэллэрэ оруннаах.
Биһиги дойдубутугар элбэх оҕолоох уонна эдэр ыаллары өйүүр араас ньымалар бааллар. Саха сиринээҕи ийэ хапытаала 2011 с. олохтоммута, ону таһынан элбэх оҕолоох ыаллар дьиэ тутталларыгар сир учаастагын босхо ылар кыахтаммыттара. Бу сылтан республикатааҕы ийэ хапытаалын кээмэйэ икки бүк үрдээтэ. Ол эрээри үрдэтиллибит Ийэ хапытаалын ыал барыта ылар кыаҕа суох. Үһүс уонна онтон элбэх оҕолорун 2017 сыл ахсынньы 31 күнүгэр диэри оҕоломмут, 2018 сыл от ыйын 1 күнүгэр диэри босхо сир учаастагы ылартан аккаастаммыт уонна да атын ирдэбиллэргэ эппиэттэһэр ыаллар туһаныахтара.
Василий ПРОКОПЬЕВ.
