Үлэтэ суохтан предприниматель буолбут дьон бастыҥ холобурдара

«Быйыл биһиэхэ быһа холуйан 21 тыһыынча киһи үлэ көрдөһө кэлэ сырытта, итинтэн 5 тыһыынчаттан тахсата үлэтэ суох анал туругу ылбыттара. Барыллаан 3800 киһи үлэлэннэ, оттон 1300 киһи сөптөөх үлэни буларга учуокка турар. Үлэтэ суох 1000 киһи пособие ылар», — диэн СИА-ҕа Дьокуускайдааҕы дьарыктаах буолуу киинин салайааччыта Мария Слепцоваэттэ.

Кини этэринэн, дьон кыайан үлэ булбат буоллахтарына, босхо үөрэниэхтэрин эбэтэр кэтэх дьыаланы аһыахтарын сөп. «Киһи дьарыктаах буолуу киинигэр учуокка туран бизнес-бырайыагы оҥорор. Онно биһиги инспектордарбыт көмөлөһөллөр. Биэдэмистибэлэр икки ардыларынааҕы хамыыһыйаҕа бизнес-бырайыагын көмүскээбит киһи өрөспүүбүлүкэ бюджетыттан үбүнэн-харчынан көмө ылар. Кини бу харчыны төннөрбөт, отчуот эрэ оҥоруон наада», — диир биэдэмистибэ салайааччыта.

Биир кэмнээх көмө кээмэйэ 80000 солк. Ону таһынан докумуону оҥотторууга 2000 солк. көмөнү ылар.

Быйыл үлэтэ суох 16 киһи, оттон 2015 сылга — 35 киһи бэйэ дьыалатын тэрийбит. Холобур,Евгений Романов сувениры оҥорор мастарскыайы үлэлэтэр. Кини бэйэтэ дириэктэр, дизайнер уонна ааптар.

Любовь Макарова академическай уруһуй мастарыскыайын аста.

2015 сыллаахха 1 бөлөххө киирсэр инбэлиит Евгений Марченко доруобуйа туругун тупсарар өҥөлөрү оҥорор. Эмиэ 1 бөлөххө киирсэр инбэлиит Марина Кононюк уонна Михаил Сапожников хаартыскалаах билиитэлэри оҥорон таһаараллар.

Ирина Гусакова дьиэ көтөрүн иитиигэ кэтэх хаһаайыстыбаны тэрийбит. Кини билигин 40 боруода көтөрү иитэр.

Григорий ИВАНОВ, СИА.