643
04 сентября 2017 в 14:19
Роман Дмитриев скверэ аһылынна
Бэҕэһээ, атырдьах ыйын 31 күнүгэр Дьокуускай куорат Комсомольскай болуоссатыгар олимпийскай чемпион Роман Дмитриев скверын аһыллыытыгар өрөспүүбүлүкэ спикера Александр Жирков, бырабыытылыстыба бэрэссэдээтэлин солбуйааччы Михаил Гуляев, киин куорат мэра Айсен Николаев, олимпийскай чемпион Павел Пинигин, салайааччылар, уопсастыбынньыктар кытыннылар.
Бочуоттаах ыалдьытынан Роман Дмитриева кэргэнэ Антонина Дмитриева буолла. Сквер киэргэтиитинэн биэс миэтэрэлээх Роман Дмитриев боруонса паамытынньыга буолла. Паамытынньыгы Арассыыйа архитектордарын сойууһун чилиэнэ Сергей Лукин, скульптордар Павел Чямпин, Егор Оготоев чочуйан оҥорбуттар.
Бу күн сквер аһыллыытыгар Роман Дмитриев сырдык кэриэһин санаан элбэх киһи муһунна. Роман Дмитриевулуу тустуук эрэ быһыытынан буолбакка, чулуу судаарыстыбаннай деятелинэн, дойдутун туһугар сүрэхтиин кыһаллар киһинэн биллэр диэн үөрүүлээх түгэҥҥэ салата санаан ааста. “Улахан аренаҕа кыайыыларынан кини төрөөбүт дойдутун киэҥник биллэрбитэ уонна Россия спордун историятыгар чулуу түгэннэри киллэрбитэ”, — диэн эттилэр.
Санатар буоллаха, Дьокуускай думатын уочараттаах 36-с сессиятыгар 202 микрооройуоҥҥа Роман Дмитриев аатын иҥэрэр быһаарбыттара.
Сардаана КУЗЬМИНА .
