836
17 апреля 2015 в 16:41
Сэрии кыттыылаахтара сөмөлүөт билиэтин почтаҕа ылыахтарын сөп
Муус устар 10 күнүттэн ыам ыйын 12 күнүгэр диэри дойду бары почталарын отделениеларыгар Аҕа дойду Улуу сэриитин кыттыылаахтара уонна инбэлииттэрэ ыам ыйын 3-12 күннэригэр Россия иһигэр сөмөлүөтүнэн көтүүлэригэр билиэттэри босхо оҥотторуохтара.
РФ Президенин 32№-дээх Ыйааҕын быһыытынан, Аҕа дойду Улуу сэриитин кыттыылаахтарыгар уонна инбэлииттэригэр уонна кинилэри арыаллыыр биир киһиэхэ Россия сиригэр-уотугар ыам ыйын 3-12 күнүнээҕи авиахампаанньалар рейстэригэр, бэтэрээннэр айаннарын ахсаанын хааччахтаабакка туран, босхо билиэттэр бэриллэллэр.
Гражданнарга табыгастаах буоларын туһугар Россия Почтата дойду 42000 отделениеларыгар авиабилиэттэри босхо оҥорон биэриини тэрийдэ. Билиэти почта отделениетыгар ылыыга Аҕа дойду Улуу сэриитин кыттыылааҕа эбэтэр инбэлиитэ уонна кинини арыаллыыр киһи тус бэйэтэ эбэтэр сокуоннай бэрэстэбиитэллэрэ почта отделениетын операторыгар хаһан, ханна көтөр баҕалаахтарын туһунан иһитиннэриэхтээхтэр, чэпчэтиини бигэргэтэр дастабырыанньаны, ону сэргэ паспоры эбэтэр атын туоһулуур докумуону көрдөрүөхтээхтэр.
«Россия Почтата» ФГУП пресс-сулууспата.
