Сунтаардар уопут атастаһа Ленскэйгэ барыахтара

Мунньаҕы Сэбиэт салайааччыта, Устье нэһилиэгин баһылыга Александр Попов ыытта.  Улуустааҕы баай-дуол сыһыаннаһыытын кэмитиэтин салайааччыта Семен Саморцев, сүрүннүүр специалист Сардаана Ксенофонтова, сир боппуруоһугар урбаанньыт Александр Петров, улууска нэһилиэктэри кытары үлэлиир сүрүннүүр специалист Алексей Корякин дьүүллэһиигэ кытыннылар. Мунньах «төгүрүк остуол» бэрээдэгинэн барда. Баһылыктар мунаарар боппуруостарыгар сөптөөх эппиэттэри ыллылар. Элбэх этии, кэпсэтии буолла. Мунньах түмүгүнэн уураах ылылынна. Онно маннык сурулунна:
1. Элбэх сир кыраныыссаларын быһаарыы, кадастровай былаан суоҕунан, нэһилиэк землеустроителлэрэ докумуоннара суох сирдэри реестрдээн улууска түмэллэригэр (б.дь. сэтинньи 20 күнүгэр диэри). Нэһилиэнньэҕэ өйдөтүү үлэтин ыытан, сир оҥоһуутунан дьарыгырар тэрилтэлэри нэһилиэктэринэн сыһыартаан, түргэн кэм иһинэн сирдэри докумуоннуурга.
2. «Технокарт» электроннай систематыгар киирэргэ уонна онон үлэлииргэ.
3. Докумуоннар хамсааһыннарын түргэтэтэр сыалтан нэһилиэк дьаһалталара «Усиленнай ЭЦП» ыларга.
4. Нэһилиэктэр төһө кыалларынан харыстыыр сирдэригэр сайаапка биэрэн, «Особо охраняемые природные территории» (ООПТ) диэн докумуон оҥорторуохтарын наада.
5. Сир сокуонугар эбии уларыйыылары, онно сыһыаннаах сокуоннар, дьаһаллар, балаһыанньалар тахсыыларын күүскэ кэтииргэ, сөптөөх миэрэлэри ыларга.
6. Сир боппуруостарыгар арыый сөптөөхтүк дьаһанан олорор улуустарга (Ленскэй улууһа) уопут атастаһа барарга.

Сунтаар улууһун нэһилиэктэрин баһылыктарын Сэбиэтэ.