862
09 октября 2017 в 10:46
ТЕСТ:«Билиҥҥи үлэҥ эйиэхэ барсар дуо?» (психологическай тест)
«Билиҥҥи үлэҥ эйиэхэ барсар дуо?» (психологическай тест)
1. Үлэлээбитиҥ хас сыл буолла?
а) сылтан орто;
б) 3 сылтан ордук;
в) 10 сыл уонна онтон ордук;
г) аҕыйах ый.
2. Идэҕин үрдэтэргэ эбии үөрэнэр туһунан толкуйдуугун дуо?
а) суох, билиҥҥи балаһыанньам да сөп;
б) карьерата суох олох суох;
в) биллэн турар, сайдыы – саҥа кэм ирдэбилэ;
г) киһи хаһан баҕарар саҥаҕа үөрэниэн сөп;
д) чахчы бары өттүнэн барыстаах буоллаҕына.
3. Идэбэр сөптөөх хамнастаахпын дии саныыгын дуо?
а) оннук, ол гынан баран, төһөнү да төлөөтүннэр, син биир аҕыйах курдук;
б) суох, тэҥнээн көрөр уустуктардаах;
в) мин сырам-сылбам баранарын, кыһалларбын аахтахха, биллэн турар, хамнаһым онно эппиэттээбэт;
г) хамнаһым ботуччу да буолбатар, таптыыр үлэбэр сөп дии саныыбын;
д) төһөнү төлүүллэр да, оччону үлэлиибин.
4. Хайдах туруктаах үлэҕэр тиийэҕин:
а) сүрэҕим биллиргэс, хараҕым сүүрэлэс, эт-этим сап-салыбырас;
б) барыта этэҥҥэ;
в) пенсияҕа дылы төһө хаалбытын өйбөр суоттуу иһэбин;
г) түргэнник тиийэ охсон, «тугу сатыырбын барытын көрдөрүөм» диэбитинэн;
д) хайдаҕын да иһин дьиэбинээҕэр үлэбин ордоробун.
5. Үлэҥ кыһалҕаларын чугас дьоҥҥун кытта ырытаҕын дуо?
а) тойоммун күлүү-элэк оҥостон кэпсиибин;
б) туһалаах буолуо диэбиппин этэбин;
в) бу тиэмэни таарыйбат буола сатыыбын;
д) кэпсээччим эрээри үлэ тула сэһэргэһиини сэргээбэппин.
6. Уоппускаҕар муора кытылыгар таалалыы сытан, үлэҕин санаан кэлэҕин:
а) эс, сынньалаҥмар үлэ туһунан толкуй киирбэт буоллаҕа дии — өйүм-санаам атыҥҥа;
б) билигин үлэлээн букунайа олорор кэллиэгэлэргин санаан күлүккэр имнэнэҕин;
в) сынньалаҥ бүтэ охсуон баҕараҕын;
г) үлэҕин ахтан ылаҕын, бииргэ үлэлиир дьоҥҥор оннооҕор эҕэрдэ ыытаҕын;
д) уоппускам син уһун диэн үөрэ саныыгын.
7. Маннык үлэлиэм дии саныыр этиҥ дуо?
а) маннык үчүгэй буолуо диэн баҕа санаабар да суоҕа;
б) урут-уруккуттан бу эйгэҕэ маннык буолуо диэн билэрим, бу миэстэҕэ таласпытым, билигин да барытын сөбүлүүбүн;
в) эрэммитим арыый атын курдук;
г) ханна эрэ үлэлиэххэ наада буоллаҕа дии…
8. Оҕолоруҥ эн курдук идэлээх буолуохтарын баҕарыаҥ этэ дуо:
а) өскөтүн чахчы сэргиир уонна бэйэлэрэ талбыт буоллахтарына;
б) миигиннээҕэр үрдүк дуоһунастаах буоллахтарына;
в) бу эрэ идэни талбаттарын туһугар бары күүспүн уурабын. Биир да киһи сордоноро сөп;
г) бэйэлэрэ билэллэр, туох үлэһит буолалларын быһаарына иликтэрэ буолуо дии саныыбын;
д) оннук эрэ буоллар диэн испэр эрэнэ саныыбын, оччоҕо уопуппун уонна билсиибин туһанар кыахтанабын.
9. Оҕо эрдэххинэ туох баҕа санаалаах этиҥ?
а) космонавт буолан саҥа планетаҕа бастакынан тиийэр гына;
б) биллиилээх артыыс — ытыс тыаһынан сыанаҕа тахсыахпын;
в) учуутал буолан, оҕолорго үчүгэй эрэ сыананы туруоруом этэ;
г) маанытык таҥнар, муода көрдөрөн олус кэрэ;
д) стетоскоп туппут үрүҥ халааттаах быраас.
10. Арай, маннык буоллун: сүрэҕиҥ аҥарын көрсөр үтүө түгэн дьэ үүммүт. Ол күнү күүппүтүҥ ыраатта. Ол сылдьан, үлэҕэр өссө да хас да чаас хааларга күһэллэҕин. Хайыыгын?
а) хомойуох иһин, бүгүн солом суох диигин;
б) баар дьону барытын кытта этиһэн, ааны хайа быраҕан көрсүһүүгэ үөрэ-көтө бараҕын;
в) өр дуу, өтөр дуу толкуйдаан, сыта-тура сыымайдаан баран, барбаккын, ол кэннэ санааҥ түһэр, тугу да гыныаххын баҕарбаккын;
г) көрсүһүүгүн көһөрөҕүн — үлэ туохтааҕар да ордук суолталаах, эн сүрэҕиҥ аҥара буолар киһи ону кытта сөпсөһөрүгэр эрэ тиийэр;
д) аймаҕым ыарыйда диэн сылтанан, үлэҕиттэн күрүү сатыыгын.
г) икки куобаҕы тэҥинэн өлөрөрдүү турунаҕын: үлэҕин үрдүнэн-аннынан үмүрүтэ охсоот, көрсүһүүгэр хойутаан тиийэҕин. Хомойуох иһин, болдьоспут киһиҥ кэтэспэтэх.
Түмүккүн таһаар
1. а, г – 1; б, в – 2
2. а-0; б,д-2;в-1;г-4
3. а – 2; г – 3; б, в, д – 1
4. а – 0; б – 4; в -1; г – 2; д -1
5. а, г – 2; б, в, д – 1
6. а, г – 3; в, д – 1; б – 2
7. а – 5; б – 3; в – 2; r -1
8. а-5;б-4;в,д- 1;г-2
9. а, б, в, д – 2; г – 3 10. а-7;б-5; в,д-1;г-2
38-тан 27 дылы. Олоххо-дьаһахха, үлэҕэ – барытыгар ситиһиилээххин. Бэйэҥ үтүө өрүккүтүн өрө туппаккын, онон салгыы сайдар баҕалааххын. Ханнык да үлэттэн толлубаккын, ылсан үлэлиир кыахтааххын. Ол гынан баран түбэһиэх үлэҕэ сөбүлэһэн иһимэ. Тугунан да дьарыктан, барыта эйиэхэ дуоһуйууну түстүүр – ону өйдөө.
26-тан 22 дылы. Дьыалыны-куолуну сатабыллаахтык оҥороҕун, ол гынан баран өссө тупсуоххун туох эрэ мэһэйдиир. Баҕар, билиҥҥи үлэҥ хабаана улахана харгыстыыра буолуо, туруккун тупсарарга кыра да буоллар ситиһии, хайҕабыл наада буолаарай? Тус олоххор баар кыһалҕалар, эбэтэр бииргэ үлэлиир дьоҥҥун кытта тыл-тылга киирсибэтиҥ туорайдаһар буолуохтарын эмиэ сөп. Үлэттэн дуоһуйуу ыларга харахха быраҕыллыбат эрээри, олус суолталаах биринсиптэргэ болҕомто уурарыҥ наада – бу туһунан толкуйдаа.
22-тэн аҕыйах. Үлэҕэр эрэйи көрөҕүн, тугу да сэргээбэккин, салгыы сайдар кыаҕы көрбөккүн. Манна араас төрүөт бар. Өскөтүн санааҥ букатын түһэ илик буоллаҕына, бу үлэттэн эрдэ-сылла бар. Нэдиэлэ курдук сынньан, ырыҥалаа, оччоҕо күннээҕи биир күдьүс олоххор саҥа сүүрээни киллэрэр наадатын өйдүөҥ.
Ирина Ханды.