820
15 мая 2015 в 12:14
Тыыллымаҕа дьылҕалара быстыбыттарга өйдөбүнньүк бэлиэ туруорулунна
Аҕа дойдуну көмүскүүр Улуу сэрии саха норуотугар иитэ-саҕата суох алдьархайы аҕалбыта. Ол иэдээн Мэҥэ-Хаҥалас улууһун I Тыыллыма нэһилиэгин тумнубатаҕа.
Сэриигэ нэһилиэктэн 150 киһи ыҥырыллыбыта, олортон 72-рэ эрэ алаһа дьиэлэригэр эргиллибитэ. Оттон нэһилиэк олохтоохторуттан төһө киһи өлбүтэ билиҥҥитэ чуолкай биллибэт. Дьон кэпсииринэн, 60-ча киһи сут дьыл кэмигэр аччыктаан, ыалдьан өлбүт. Олортон 44 киһи аата биллэр. Олор ааттара өйдөбүнньүк билиитэҕэ сурулунна.
Ыам ыйын 8 күнүгэр сут-кураан сылларга дьылҕалара быстыбыттарга өйдөбүнньүк бэлиэ туруорулунна. Бырайыак авторынан Мэҥэттэн төрүттээх, Саха Өрөспүүбүлүкэтин үтүөлээх архитектора Иван Васильевич Лепчиков буолар.
СИА.
