634
17 февраля 2017 в 11:51
Интернет уонна сотовай сибээс тупсуоҕа
СИА-ҕа Экономика министиэристибэтиттэн иһитиннэрбиттэринэн, Горнай улууһугар СӨ Бырабыыталыстыбата 2016 сыллааҕы үлэтин отчуоттуур кэмигэр Бырабыыталыстыба бэрэссэдээтэлин бастакы солбуйааччы – экономика миниистирэ Алексей Стручков салайааччылаах бөлөх Солоҕон нэһилиэгин олохтоохторун кытары көрүстэ.
Олохтоохтор бастакы ыйытыыларынан сири нүөлсүтүү боппуруоһа буолла. Манна тыа хаһаайыстыбатын миниистирин солбуйааччы Семен Потапов ходуһалары тупсарыыга туох үлэлэр ыытыллалларын туһунан кэпсээтэ. Ити үлэлэр муниципалитеттар сайаапкаларынан оӨоһуллаллар. Маны таһынан, нүөлсүтүүнү бааһынай хаһаайыстыбалара ыыталларыгар бары ирдэбиллэр тутуһулуннахтарына, ороскуоттарын 80% толуйуу көрүллэр.
Сэлиэнньэ олохтоохторо Кумахтаах үрэххэ муостаны тутар суолталааҕар болҕомтону тартылар. Ити тырааныспар сырыытын хааччыйарын таһынан, Сиинэ үрэххэ ис туризм сайдыытыгар көмөлөһүөн сөп.
Одуну нэһилиэгэр курдук, Солоҕо ҥ ҥо дьон Интернет уонна сотовай сибээс тииһимньилээх буолуутун туоһуластылар. Сибээс министиэристибэтин бэрэстэбиитэлэ Николай Пермяков иһитиннэрбитинэн, Маҕараска оптоволокно номнуо быйыл кулун тутарга холбонуохтаах, ону сэргэ Бэрдьигэстээххэ магистральнай ханаалы тутуу салҕанар. Ити түмүгэр сотовай сибээс уонна мобильнай Интернет 3G таһым ҥ а диэри тупсар кыахтаныаҕа.
Икки нэһилиэк нэһилиэнньэтэ Горнай улууһугар Манчаары оонньууларын ыытар кыах баарыгар болҕомтону туһаайда. Улуус дьаһалтатыттан сайаапка Бырабыыталыстыбаҕа ыытыллыбыт, ону саас көрүөхтээхтэр. Бу боппуруос спортсменнары эрэ буолбакка, улуус бары олохтоохторун, ол иһигэр ыччаты эмиэ долгутар.
Итини сэргэ ыраас уу, тыа хаһаайыстыбатын, хочуолунайдары тутуу, ыччаты тыа сиригэр тардыы кыһалҕаларын, социальнай төлөбүрдэр уо.д.а. тустарынан этиилэр иһилиннилэр.
