10 июля 2015 в 18:39

2015 сыл сааскы сессиятын түмүктэрэ

2015 сылга СӨ Судаарыстыбаннай Мунньаҕын (Ил Түмэн) сокуону оҥорор үлэтэ СӨ Ил Дарханын, Бырабыыталыстыбатын, Ил Түмэн сис кэмитиэттэрин уонна хамыыһыйатын былааннарыгар тирэҕирэн оҥоһуллубут сокуону оҥоруу үлэтин барыллааһын былааныгар сөп түбэһиннэрэн уонна билиҥҥи усулуобуйаҕа өрөспүүбүлүкэ социальнай-экономическай сайдыытын сокуонунан сүрүннээһиҥҥэ ирдэбиллэри учуоттаан тэриллэр.

2015 с. бастакы аҥаарыгар Ил Түмэн 4 пленарнай мунньаҕы уонна 1 киэҥ ыҥырыылаах Сэбиэти ыытта, онно 230 нуормалыыр правовой аакта, ол иһигэр Саха Өрөспүүбүлүкэтин 84 сокуона (17 тирэх сокуон), ону таһынан Судаарыстыбаннай Мунньах 146 уурааҕа ылылынна.

Бу докумуоннар олох-дьаһах бары тутаах салааларын таарыйаллар.
Судаарыстыбаннай салайыы уонна СӨ сокуону оҥоруутун конституционнай төрүттэрин эйгэтигэр 38 нуормалыыр правовой аакта ылылынна, ол иһигэр 20 сокуон.
Олохтоох салайыныы эйгэтигэр Ил Түмэн 24 нуормалыыр правовой аактаны ылынна, ол иһигэр 13 сокуону.

Бюджет уонна нолуок сокуоннарын эйгэтигэр 14 нуормалыыр правовой аакта ылылынна, ол иһигэр 9 сокуон.

Саха Өрөспүүбүлүкэтин бас билиитин уонна экономическай сайдыытын боппуруостарыгар Судаарыстыбаннай Мунньах 33 нуормалыыр правовой аактаны ылыммыта, ол иһигэр 10 сокуону.

Тыа хаһаайыстыбатын, айылҕаны туһаныы уонна сир сыһыаннаһыыларын, тулалыыр эйгэни харыстааһын боппуруостарыгар 11 нуормалыыр правовой аакта ылыллыбыта, ол иһигэр 3 сокуон.

Социальнай политика эйгэтигэр Ил Түмэн 20 нуормалыыр правовой аактаны ылынна, ол иһигэр 9 сокуону.

Хоту сир аҕыйах ахсааннаах төрүт норуоттарын бырааптарын харыстааһын эйгэтигэр 7 нуормалыыр правовой аакта ылылынна, онтон 2-тэ сокуон.
«Наука, культура, үөрэх, доруобуйа харыстабыла» туһаайыыларга 28 нуормалыыр правовой аакта ылыллыбыта, ол иһигэр 7 сокуон.

Административнай эппиэтинэс, уопсастыбаҕа куттал суох буолуутун уонна бэрээдэги хааччыйыы эйгэлэригэр 23 нуормалыыр правовой аакта ылылынна, онтон 7-тэ сокуон.
Тулалыыр эйгэни харыстааһын боппуруостарыгар Судаарыстыбаннай Мунньах 8 нуормалыыр правовой аактаны ылыммыта, ол иһигэр 4 сокуону.

Ону таһынан Судаарыстыбаннай Мунньах (Ил Түмэн) уонна СӨ Бырабыыталыстыбатын 24 тэрээһин боппуруостара көрүллэн, быһаарыылар ылыллыбыттара.
2015 сыл сааскы сессиятыгар Судаарыстыбаннай Мунньах 37 федеральнай сокуон барылын көрдө уонна РФ субъектарын сокуону оҥорор уорганнарын 20 сокуону көҕүлээһинин уонна ыҥырыытын өйөөтө.

РФ Юстицияҕа министерствотын Саха Өрөспүүбүлүкэтигэр Управлениетын экспердэрин түмүктээһиннэригэр олоҕуран Саха Өрөспүүбүлүкэтин 7 сокуона, прокурор бырачыаһын уонна суут быһаарыытын аакталарыгар олоҕуран – Саха Өрөспүүбүлүкэтин 9 сокуона федеральнай сокуоннарга сөп түбэһиннэрилиннилэр. Судаарыстыбаннай Мунньах (Ил Түмэн) үлэтин биир көрүҥүнэн парламент истиилэрин, бырабыыталыстыба чаастарын уонна «төгүрүк остуоллары» тэрийэн ыытыы буолар. 2015 сыл сааскы сессиятын кэмигэр Ил Түмэн 6 парламент истиитин, 12 бырабыыталыстыба чааһын уонна 16 «төгүрүк остуолу» ыытта.

Бастайааннай төрүккэ үлэлиир норуот депутаттара командировкаларга 212 төгүл сырыттылар, онтон 161-гэр – өрөспүүбүлүкэ оройуоннарыгар, 48 – өрөспүүбүлүкэ таһыгар уонна 3 – кыраныысса таһыгар.

2015 сыл сааскы сессиятын кэмигэр СӨ Судаарыстыбаннай Мунньаҕын (Ил Түмэн) сис кэмитиэттэрин уонна хамыыһыйатын 86 мунньаҕа ыытылынна.