531
27 апреля 2018 в 21:18
Александр Жирков Сокуону оҥорооччулар Сэбиэттэрин үлэтигэр кыттар
Муус устар 26 күнүгэр Саха Өрөспүүбүлүкэтин Судаарыстыбаннай Мунньаҕын (Ил Түмэн) Бэрэссэдээтэлэ Александр Жирков Россия Федерациятын Федеральнай Мунньаҕын иһинэн РФ сокуону оҥорооччуларын Сэбиэтин уонна кини Президиумун үлэтигэр кытта Санкт-Петербург куоракка командировкаҕа айаннаата. Тэрээһин муус устар 27 к. Таврическай дыбарыаска ыытыллар.
Тэрээһин чэрчитинэн Россия Президенэ Владимир Путин Россия Федерациятын сокуону оҥорооччуларын Сэбиэтин чилиэннэрин кытта көрсүһүүтэ былааннаммыта.
Сокуону оҥорооччулар Сэбиэттэрэ тыа хаһаайыстыбатыгар страхование тиһигэр сокуону оҥоруу базатын тупсарыы, медицинскэй көмөнү оҥоруу хаачыстыбатыгар хонтуруолу сокуонунан хааччыйыы, регионнарга сыыппаранан экономиканы сайыннарыы боппуруостарын дьүүллэһиэҕэ.
Сэбиэт үлэтин кэмигэр РФ субъектарын сокуону оҥорор уорганнарын икки ардыларыгар парламеннар икки ардыларынааҕы бииргэ үлэлээһин туһунан Сөбүлэһиилэргэ илии баттаныаҕа.
