Александр Жирков УҺук Илиҥҥэ – бастакы миэстэҕэ

«Саха Өрөспүүбүлүкэтин Судаарыстыбаннай Мунньаҕын бэрэссэдээтэлэ Александр Жирков Саха сирин судаарыстыбаннаҺын күнүгэр анаммыт тэрээҺиннэргэ кытынна, ол иҺигэр XIX үйэтээҕи – ХХ үйэ саҕаланыытынааҕы саха национальнай интеллигенциятын бас-көс киҺитигэр – Василий Никифоровка – Күлүмнүүргэ пааматынньыгы аста», – диэн медиарейтини оӨорооччулар сайтарыгар этиллэр. Итини таҺынан кини өрөспүүбүлүкэ СудаарыстыбаннаҺын күнүгэр үөрүүлээх мунньахха кытынна.
«Медиалогия» дааннайдарынан, быйылгы сыл балаҕан ыйыгар Александр Жирков медиаиндексэ 725,57 пууҥҥа тэҥнэстэ, ол түмүгэр кини уон үҺүс миэстэҕэ таҕыста. Саха сирин парламенын спикерэ УҺук Илин федеральнай уокурук парламеннарын бэрэссэдээтэллэрин ортотугар бастаан иҺэр.

Федеральнай рейтиҥҥэ биллэр-көстөр сыҕарыйыытыгар, саарбаҕа суох, Александр Жирков көҕүлээҺининэн Саха сирин Экологическай доктринатын оҥорууну саҕалааҺын олук уурда. Бу Доктрина «Россия Федерациятыгар Экология сылын ыытыы туҺунан» Россия Президенэ Владимир Путин Ыйааҕын олоххо киллэрэр сыалтан оҥоҺуллар. Александр Жирков дьаҺалынан Ил Түмэҥҥэ СӨ Экологическай доктринатын барылын оҥорууга итиэннэ экология эйгэтигэр регионнааҕы сокуоннары тупсарыыга этиилэри бэлэмнээҺиҥҥэ үлэлиир экспердэр бөлөхтөрө тэрилиннэ. Айылҕа уонна сир аннын баайын кэлимсэ баҺылааҺын усулуобуйатыгар экологияҕа уопсай куттал суох буолуутун сомоҕо концепциятын оҥоруу билигин айылҕаҕа баар харамай эйгэтин, айылҕа араас көрүҥүн харыстааҺыҥҥа уонна тулалыыр эйгэ туҺааннаах үтүө туругун хааччыйыыга наадалаах усулуобуйанан буолар.

Ону таҺынан, 119№-дээх «уҺук илиҥҥи гектар» туҺунан Федеральнай сокуоҥҥа уларытыылары киллэрэр туҺунан Федерация Сэбиэтин сенатордара оҥорбут сокуоннарын барылыгар Александр Жирков салайааччылаах Саха сирин бэҺис ыҥырыылаах парламенын көннөрүүлэрэ, ол курдук босхо туҺаныыга сир учаастактара бэриллиэ суохтаах сир-уот кыраныыссатын былаас сокуону оҥорор (бэрэстэбиитэллээх) уорганнара быҺаарар бырааптара; сир учаастактарын биэрэр боломуочуйалаах уорганнары быҺаарыы; федеральнай иҺитиннэрэр системаҕа дааннайдары оператор киллэриитигэр болдьохтору олохтооҺун туҺунан көннөрүүлэр учуоттаммыттара. Ити көннөрүүлэр ФС вице-спикерэ Галина Карелова салайааччылаах үлэлиир бөлөҕөр ыытыллыбыттара .

Өрөспүүбүлүкэ парламенын спикерэ Александр Жирков 2016 с. балаҕан ыйыгар Эбээн-Бытантай национальнай улууҺугар, Уус-Алдан улууҺун Өспөх, Мүрү, Түүлээх уонна Бэрт УуҺун нэҺилиэктэригэр үлэлии сырытта. Уус-Алдан Сыырдаах сэлиэнньэтигэр кини Ленин уордьанын, Аҕа дойду Улуу сэриитин 1-кы истиэпэннээх уордьанын кавалердара, САССР норуотун хаҺаайыстыбатын үтүөлээх үлэҺитэ, Уус-Алдан уонна Мэҥэ-Хаҥалас улуустарын бочуоттаах олохтооҕо Петр Николаевич Данилов аатынан сквери аста. Балаҕан ыйыгар Александр Жирков быйыл РФ норуот айымньытыгар үтүөлээх кэлэктиибин аатын ылбыт «Кэнчээри» народнай холобурга сылдьар ансаамбылын иитиллээччилэрин кытта көрүстэ.
Балаҕан ыйын саҥатыгар Ил Түмэн Бэрэссэдээтэлэ Кыргызстан Өрөспүүбүлүкэтигэр ыалдьыттаата, онно Александр Жирков Кыргызстан Өрөспүүбүлүкэтин Бырабыыталыстыбатын Бэрэссэдээтэлэ Сооронбай Жээнбековы уонна CӨ Бырабыыталыстыбатын вице-премьерин Гульмира Кудайбердиеваны, Кыргызстан Өрөспүүбүлүкэтин Сокуону оӨорор Мунньаҕын Бэрэссэдээтэлэ – Жогорку Кенеш спикерэ Чыныбай Турсунбековы кытта дьыалабыай көрсүҺүүлэри ыытта. Кыргызстан Өрөспүүбүлүкэтин салайааччыларын кытта көрсүҺүүлэригэр Александр Жирков 2017 сылга уҺулуччулаах судаарыстыбаннай уонна политическай деятель, Саха сирин уонна Кыргызстан судаарыстыбаннаҺын төрүттээччилэртэн биирдэстэрэ М.К.Аммосов төрөөбүтэ 120 сылыгар анаммыт Саха Өрөспүүбүлүкэтигэр Кыргызстан Өрөспүүбүлүкэтин культуратын Күннэрин ыытыыга бэлэмнэнии боппуруостарын дьүүллэстэ.
Бүттүүн куоластааҺын күнүгэр, балаҕан ыйын 18 к., Александр Жирков салалтатынан бэҺис ыырыылаах өрөспүүбүлүкэ народнай депутаттара Госдума сэттис ыӨырыытыгар депутаттары талыыга көхтөөхтүк кытыннылар. Ил Түмэн бэрэссэдээтэлэ бэйэтин быыбардыыр учаастагар куоластаата. Өрөспүүбүлүкэ парламенын спикерэ Төрүт сокуонунан бэриллибит быраабын Дьокуускайга 19/707 №-дээх быыбардыыр учаастакка туҺанна.

Итини таҺынан, балаҕан ыйыгар Александр Жирков биллиилээх сэбиэскэй партийнай уонна судаарыстыбаннай деятель, 1951-1965 сс. ССКП Саха сиринээҕи обкомун бастакы сэкирэтээрэ Семён Захарович Борисов олоҕун уонна үлэтин туҺунан кинигэ сүрэхтэниитигэр тыл эттэ. Александр Жирков кинигэҕэ киирии тылы суруйбута.
Санаттахха, медиарейтинг 33400 источниктаах «Медиалогия» хампаанньа МедиаИндексигэр олоҕурар.

Бэлэмнээтэ Елена БАИШЕВА.