963
11 июня 2015 в 12:45
Александр Жирков — уон спикер иһигэр
Саха сирин парламенын – Саха Өрөспүүбүлүкэтин Судаарыстыбаннай Мунньаҕын (Ил Түмэн) Бэрэссэдээтэлэ Александр Жирков «Медиалогия» хампаанньа ыытар, регионнар парламеннарын спикердэрин ыам ыйынааҕы медиарейтинигэр уон бастыҥ иһигэр хаалла.
Российскай Федерация субъектарын сокуону оҥорор уорганнарын 85 баһылыгын ортотугар медиарейтинг лидердэринэн Крым Өрөспүүбүлүкэтин Судаарыстыбаннай Сэбиэтин спикерэ Владимир Константинов, Татарстан Өрөспүүбүлүкэтин Судаарыстыбаннай Сэбиэтин бэрэссэдээтэлэ Фарид Мухаметшин уонна федеральнай суолталаах Севастополь куорат Сокуону оҥорор Мунньаҕын спикерэ Алексей Чалый буоллулар.
Саха сирин парламенын спикерин таһынан ТОП-10 иһигэр Уһук Илин федеральнай уокуругуттан Приморскай кыраай Сокуону оҥорор Мунньаҕын бэрэссэдээтэлэ Виктор Горчаков киирдэ.
Бу медиарейтини «Медиалогия» – бүгүҥҥү күҥҥэ маассабай сонуну тарҕатар ситимнэр эйгэлэригэр уонна медиа ырытыыларга Россиятааҕы тутулуга суох чинчийэр хампаанньа ыытар. Хампаанньа телевидение, араадьыйа, хаһыаттар, сурунааллар, иһитиннэрэр агентстволар, Интернет-СМИ 25 200 источниктарын киллэрбит «Медиалогия» систематын төрүтүгэр рейтини оҥорор.
