Бастакы 10 иһигэр

Ил Түмэн спикерин Александр Жирков сэтинньитээҕи медиаиндексэ 864,09 пууҥҥа тэҥнэстэ.
Александр Жирков бэрэссэдээтэллээх Саха сирин парламена сэтинньигэ өрөспүүбүлүкэ экологическай өттүнэн куттала суох буолуутун боппуруостарын сокуонунан сүрүннээһиӨӨэ үлэтин салҕаата. 2016 с. сэтинньи 1-4 күннэригэр Дьокуускайга буолбут Россияттан, Японияттан, Нидерландыттан, Швейцарияттан, о.д.а. дойдулартан эколог-учуонайдар, ирбэт тоҥу үөрэтээччилэр, климатологтар, атын идэлээх дьон кыттыылаах «Баланс углерода, воды и энергии и климат бореальных и арктических регионов с особым акцентом на Восточную Евразию» диэн IX Норуоттар икки ардыларынааҕы симпозиумҥа Ил Түмэн бэрэссэдээтэлэ Саха сирин Экологическай доктринатын барылын билиһиннэрбитэ. Регионнааҕы доктринаны ылынар наадалааҕын туһунан А.Жирков көҕүлээһинин аан дойду улахан учуонайдара: РНА чилиэн-корреспондена, өрөспүүбүлүкэ наукаларын Академиятын академига, профессор Никита Соломонов, наука доктора, Нагоя Университетын Сиргэ космическай уонна экологическай чинчийиилэры ыытар институтун профессора, Сибииргэ экологическай уоннна социологическай чинчийиилэри салайар Тетсуя Хияма, профессор, РНА СС криолитозона биологическай проблемаларын институтун лабораториятын салайааччыта Трофим Максимов, наука доктора, Цюрих Университетын тулалыыр эйгэни чинчийэр бөлөҕүн салайааччыта Габриела Шэпман-Струб өйөөбүттэрэ.
Итини таһынан, Ил Түмэҥҥэ ирбэт тоҥу харыстааһын боппуруостарын сокуонунан сүрүннээһиҥҥэ үлэ салҕанар, «Ирбэт тоҥу харыстааһын уонна туһаныы туһунан» федеральнай сокуон барыла оҥоһуллар.
Уһук илиҥҥи регионнары бастакынан үбүлээһин туһунан Саха сирин парламентарийдарын этиилэрэ олоххо киирэр кыахтанна. Саха сирин парламена Госдумаҕа киллэрбит сокуонун барыла РФ Бырабыыталыстыбатын уурааҕар учуоттанна – билигин судаарыстыбаннай бырагыраамаларга Уһук Илин урутаан сайдыытыгар түһүмэхтэр булгуччу киириэхтэрэ. Ити этиини Саха сирин Александр Жирков бэрэссэдээтэллээх бэһис ыӨырыылаах парламена 2014 сыл алтынньытыттан көтөхпүтэ. Ону сэргэ Ил Түмэн урукку өттүгэр Госдумаҕа РФ судаарыстыбаннай бырагыраамаларыгар хос бырагыраамалары уонна туспа түһүмэхтэри анааһын чааһыгар «Россия Федерациятын Бюджетын кодексын 179 ыстатыйатыгар уларытыыны киллэрэр туһунан» сокуон барылын киллэрбитэ. Билигин уһук илиҥҥи регионнары ураты үбүлээһин туһунан Саха сирин парламентарийдарын этиилэрэ олоххо киирэр буолла.
Александр Жирков медиарейтинэ үрдээһинэ кини салайар депутаттарын куорпуһун сокуону оҥорууга үлэтин кытта сибээстээх.
Госдумаҕа федеральнай сокуон барылларын киллэриигэ үлэ салҕанар. Сэтинньигэ Федеральнай Мунньахха сир аннын туһанааччыларга былааннаах уонна былааны таһынан бэрэбиэркэни ыытар, аҕыйах ахсааннаах төрүт норуоттар бэрэстэбиитэллэригэр сир учаастактарын босхо туһанар быраабы биэрэр туһунан икки сокуон барыла туһаайыллыбыта. Ону таһынан, Саха сирин парламена «Бэйэ көҥүлүнэн балыктааһын туһунан» федеральнай сокуон барылыгар көннөрүүлэри ыыппыта.
Спикер тэрээһиннэргэ тус бэйэ­тэ кыттыыта кини медиарейтинэ үрдүүрүгэр олук буолла.
А.Н. Жирков РФ Федеральнай Мунньаҕын иһинэн сокуону оҥорооччулар Сэбиэттэрин Президиумун чилиэнэ буоларынан, сэтинньи 8 к. Федерация Сэбиэтигэр 2017 сылга уонна 2018-2019 сс. былааннаммыт кэмҥэ федеральнай бюджет барылын дьүүллэһиигэ анаммыт парламент истиилэригэр кыттыбыта. 2016 с. сэтинньи 15 к. Суорун Омоллоон аатынан опера уонна балет театрын Россия уонна омук дойдуларын куораттарыгар турнетын чэрчитинэн Россия Улахан театрыгар Андрей Борисов туруоруутунан Александр Бородин «Игорь кинээс» оператын аан бастаан көрдөрүүгэ Александр Жирков ыӨырыытынан Валентина Матвиенко сылдьыбыта.
2016 с. сэтинньи 21 к. Ил Түмэн бэрэссэдээтэлин салайыытынан түүр норуоттарын уһулуччулаах судаарыстыбаннай уонна политическай деятеллэрэ Максим Кирович Аммосов төрөөбүтэ 120 сылыгар аналлаах тэрээһиннэр чэрчилэринэн Кыргызстан Өрөспүүбүлүкэтин култууратын Күннэрин бэлэмнээн ыытыыга Ил Түмэҥҥэ мунньах буолбута.
Сэтинньи 28 к. Санкт-Петербурга номоххо киирбит «Бродячая собака» арт-кулуупка бэлиэ түгэн буолбута – Саха сиригэр XIX үйэ бүтүүтүн – XX үйэ саҕаланыытын либеральнай-демократическай интеллигенциятын лидерэ, уһулуччулаах общественнай, политическай деятель В.В.Никифоров – Күлүмнүүр төрөөбүтэ 150 сылыгар анаммыт үбүлүөйдээх тэрээһиннэри бэлэмнээн ыытыыга тэрийэр кэмитиэт бэрэссэдээтэлэ, Саха сирин парламенын спикерэ Александр Жирков көҕүлээһининэн арт-кулуупка сылдьыбыт биллиилээх дьоҥҥо аналлаах хартыына галереятыгар Василий Васильевич Никифоров – Күлүмнүүр мэтириэтэ туттарыллыбыта.
Сэтинньи ый устата парламент истиилэригэр уонна «бырабыыталыстыба чаастарыгар» Александр Жирков салайар депутаттарын куорпуһа Арктика улуустарын туруктаах сайдыытын Концепциятын иккис түһүмэҕин олоххо киллэриигэ үлэ былаанын толорууну дьүүллэстэ, ону сэргэ Ил Түмэҥҥэ Саха Өрөспүүбүлүкэтин үс сыллаах судаарыстыбаннай бюджетын дьүүллэһиигэ аһаҕас истиилэр, о.д.а ыытыллыбыттара.
Бу медиарейтини «Медиалогия» хампаанньа 35 900 источникка олоҕуран таһаарда. РейтиӨӨэ Калуга уобалаһын Сокуону оҥорор Мунньаҕын бэрэссэдээтэлэ Николай Гриб киирбэтэх, ол курдук, кини ити дуоһунаска ахсынньы 1 к. талыллыбыта.