625
12 мая 2017 в 12:11
Билиҥҥи уонна кэлэр көлүөнэлэр тустарыгар
Улуу Кыайыы бырааһынньыгын күн иннинэ Ил Түмэн наукаҕа, үөрэххэ, култуураҕа, сонуну киэҥник тарҕатар ситимнэргэ уонна уопсастыбаннай тэрилтэлэр дьыалаларыгар сис кэмитиэтин бэрэссэдээтэлэ Антонина Григорьева Кыайыы күнүнэн Ньурба улууһуттан төрүттээх Аҕа дойду Улуу сэриитин бэтэрээннэрин, сэрии кыттыылаахтарын огдооболорун, сэриигэ өлбүт буойуннар оҕолорун эҕэрдэлээтэ.
Ол иһигэр сэрии 5 кыттыылааҕа, 11 огдообото уонна өлбүт буойуннар 4 оҕолоро бааллар.
Антонина Григорьева бастакынан Владимир Ильич Андреевы эҕэрдэлээтэ. Саллаат аармыйаҕа 18 сааһыгар ыҥырыллыбыт. Кини Илиҥҥи фроҥҥа трофейдар этэрээттэригэр сулууспалаабытын, ыам ыйын 25 күнүгэр 90 сааһын туоларын туһунан кэпсээтэ. Владимир Ильич педагогическай училищены бүтэрбит бастакы выпускниктартан биирдэстэрэ буолар. Кини үлэтин суола бүтүннүүтэ үүнэр көлүөнэни чэгиэн-чэбдик олоххо иитиигэ анаммыт.
Антонина Афанасьевна бэтэрээннэргэ кытаанах доруобуйаны, уһун үйэни баҕарда уонна өйдөбүнньүк бэлэхтэри туттарда.
Мария АНДРОСОВА,
Ил Түмэн наукаҕа, үөрэххэ, култуураҕа,
сонуну киэҥник тарҕатар ситимнэргэ
уонна уопсастыбаннай тэрилтэлэр дьыалаларыгар сис кэмитиэтин старшай референэ.
