31 января 2018 в 14:19

ХХХIV (уочараттаах) пленарнай мунньаҕы ыҥырар туһунан

Саха сирин парламенын спикерэ Александр Жирков 2018 с. тохсунньу 23 күнүгэр «Саха Өрөспүүбүлүкэтин бэһис ыҥырыылаах Судаарыстыбаннай Мунньаҕын (Ил Түмэн) отут төрдүс (уочараттаах) пленарнай мунньаҕын ыҥырар туһунан» 12 №-дээх дьаһалга илии баттаата.

Саха Өрөспүүбүлүкэтин Судаарыстыбаннай Мунньаҕын (Ил Түмэн) Бэрэссэдээтэлин дьаһалын быһыытынан, бэһис ыҥырыылаах Судаарыстыбаннай Мунньах (Ил Түмэн) ХХХIV (уочараттаах) пленарнай мунньаҕа 2018 сыл олунньу 21-22 күннэригэр ыытыллар.

Пленарнай мунньах 2018 с. олунньу 21 күнүгэр олохтоох бириэмэнэн 10.00 чааска саҕаланар.