803
23 сентября 2016 в 16:04
Мандаат — Галина Данчиковаҕа
«Биир ньыгыл Арассыыйа» бэлитиичэскэй баартыйаттан Судаарыстыбаннай Дуумаҕа дьокутаат мандаатын СӨ бырабыыталыстыбатын бэрэссэдээтэлэ Галина Данчикова ылла. Ол туһунан СӨ Ил Дархана Егор Борисов "Instagram"социальнай ситимҥэ баар страницатыгар суруйар.
«Судаарыстыбаннай Дуума саҥа састаабыгар бу баартыйа испииһэгинэн 140 дьокутаат киирдэ. Чиэһинэй быыбарга Саха сиринээҕи кандидаттар бөлөхтөрүн инники күөнүгэр мин турбутум. Өрөспүүбүлүкэ баһылыгын быһыытынан, быыбардааччыларым, дьонум-сэргэм иннигэр эбээһинэспин ситэри толорор туһуттан, сокуону оҥорор дойду үрдүкү уорганыгар быыбарга бартыыйынай испииһэккэ иккиһинэн турар Галина Данчиковаҕа бу улахан быраабы биэрэбин», — диэн суруйар Егор Борисов
Галина Данчикова үчүгэй салайар, тэрийэр дьоҕурдааҕын, сүрүн суолталаах соруктары бэйэтин эппиэтинэґигэр ылары уонна ону уталыппакка олоххо киллэрэр быґаарыылаах характырдааҕын Ил Дархан бэлиэтиир.
«Галина Иннокентьевна өрөспүүбүлүкэ социальнай-экэнэмиичэскэй сайдыытыгар киллэрбит кылаатын, өр сыллаах сыралаах үлэтин иһин, киниэхэ ис сүрэхпиттэн махтанабын. Кини саҥа эйгэҕэ холкутук киирэн уонна сыстан, Сахатын сирин, Уһук Илин тустарыгар үрдүк көдьүүстээхтик үлэлиэҕэ диэн бүк эрэнэбин», — диэн суруйар Ил Дархан Егор Борисов.
