757
23 сентября 2016 в 16:07
СӨ экологическай доктрината оҥоһуллар
Саха өрөспүүбүлүкэтин парламенын спикерэ Александр Жирков көҕүлээһининэн, Ил Түмэҥҥэ өрөспүүбүлүкэ экологическай доктринатын ырытан оҥоруу саҕаланна.
Бырайыагы оҥорууга оробуочай бөлөх экспертэрэ REGNUM ИА корреспонденыгар быһаарбыттарынан, туһааннаах доктринаҕа экологическай куттал суох буолуутун правовой төрүттэрин, айылҕаны тирэхтээхтик туһаныыны хааччыйар уонна тулалыыр эйгэҕэ тиэхиньикэ куһаҕаннык дьайар сабыдыалын намтатыы фактордарын быһаарар наада.
СӨ экологическай доктринатын бырайыагын бэлэмнээһиҥҥэ уонна экология эйгэтигэр эрэгийиэннээҕи сокуону тупсарыыга этиилэри киллэрэр оробуочай бөлөҕү тэрийэр туһунан уурааҕы Ил Түмэн бэрэссэдээтэлэ Александр Жирков 2016 сыл атырдьах ыйын 24 күнүгэр баттаабыта.
Оробуочай бөлөх састаабыгар народнай депутаттартан ураты экологтар, геологтар уонна наука бэрэстэбиитэллэрэ киирдилэр. Бөлөх салайааччытынан Ил Түмэн экономическай уонна промышленнай политикаҕа, урбаан уонна туризм, инфраструктура сайдыытыгар сис кэмитиэтин бэрэссэдээтэлэ Виктор Федоров ананна.
Экологическай доктрина Россия президенэ Владимир Путин «РФ-га Экология сылын ыытар туһунан» ыйааҕын олоххо киллэрэр сыалынан ырытан оҥоһуллар.
