Сибииргэ кытайдар кэлэллэрин утарбаттар

«Бу нолуоктары толору кээмэйинэн төлөөһүн буолуохтаах, саҥа үлэ миэстэлэрин үөскэтиигэ программа баар буолуохтаах», – диэн бэлиэтээтэ Панков. Кини дааннайдарын ыллахха, билигин Россияҕа тыа хаһаайыстыбатыгар аналлаах сир 40-тан тахса бырыһыана туһаныллыбат.

Депутат бэлиэтээбитинэн, бырайыак ситиһиилээх буоларыгар агротехническай нуормалары тутуһуу ирдэнэр. «Сир оҥоһуллубат регионнарыгар маннык элбэх сири атын судаарыстыба түүлэһэригэр туох да кутталлаах суох», – диэн ааҕар Панков.

Забайкальскай кыраай күбүрүнээтэрэ Константин Ильковскай кытай хампаанньатыгар 150 гектар сири биэрэр былааннаахтарын бигэргэппитэ. «Биһиги өттүбүтүттэн – сир, кинилэр өттүлэриттэн – харчы. Биһиги өттүбүтүттэн – сири оҥоруу технологиятын кытаанахтык хонтуруоллааһын», – диэбитэ Ильковскай.

Бэс ыйын 15 к. ТАСС иһитиннэрбитинэн, Забайкалье былаастара кытай инвесторыгар кураанах турар Могойтуйскай промзонаны 49 сыллаах болдьоххо арендаҕа биэрэр туһунан дуогабардаспыттара. Ол сиргэ тыа хаһаайыстыбатын бородууксуйатын оҥорон таһаарар уонна батарар киин баар буолуохтаах. Кытай «Хуаэ Синбан» хампаанньата бырайыакка 24 миллиард солк. угар былааннаах.

Номнуо 2016 с. бастакы кыбартаалыгар дуогабар илии баттанан, ыһыы үлэтигэр киирсиэхтээхтэр диэн иһитиннэрбиттэрэ.