21 октября 2016 в 09:21

Социальнай тутуулар болдьохторо тутуһуллуохтаах

Ил Түмэн пресс-сулууспатын иһитиннэриитинэн, алтынньы 19 к. Уус-Алдан улууһугар үлэлиир кэмигэр Ил Түмэн Бэрэссэдээтэлэ Александр Жирков Суотту, Лөгөй, Дүпсүн, Өспөх нэһилиэктэригэр сырытта. Бу айаҥҥа СӨ Бырабыыталыстыбатын бэрэссэдээтэлин солбуйааччы Игорь Никифоров, СӨ ДьУоКХ уонна энергетика миниистирэ Гаврил Левин, СӨ архитектураҔа уонна тутуу комплексыгар миниистирин бастакы солбуйааччыта Павел Аргунов, «Саха Өрөспүүбүлүкэтин судаарыстыбаннай сакаасчытын сулууспата» ГКУ генеральнай директора Дмитрий Поисеев, кинини солбуйааччы Алексей Варламов, Уус-Алдан улууһун баһылыга Алексей Федотов, о.д.а. сырыттылар.

Быйыл атырдьах ыйын 3 к. Ил Түмэн спикерэ Александр Жирков уонна СӨ Бырабыыталыстыбатын Бэрэссэдээтэлэ Галина Данчикова Суотту, Лөгөй, Дүпсүн, Мүрү нэһилиэктэригэр тутуллар эбийиэктэри көрбүттэрэ. Сырыы түмүгэр үбүлээһин, хаачыстыба хааччыллыытын уонна тутуу болдьохторун тутуһуу боппуруостарын быһаарыыга дьаһаллар ылыллыбыттара.

ОҔуруоттаахха Александр Жирков салайааччылаах бөлөх «Саха Өрөспүүбүлүкэтин сиригэр-уотугар оскуола иннинээҔи үөрэх тэрилтэлэрин үөскэтии» судаарыстыбаннай-чааһынай бииргэ үлэлээһин бырайыак чэрчитинэн 75 миэстэлээх «Кустук» оҔо саадын тутуу үлэтин кытта билистэ. Эбийиэк сакаасчытынан “СеверСтройТорг” ХЭТ буолар, генеральнай бэдэрээтчитинэн – “ДСА” ПК ХЭТ. Эбийиэк бастакы атаҔа 2016 с. бэс ыйын 17 к. туруоруллубута. Билигин тутуу бастакы түһүмэҔэ түмүктэнэн эрэр. Иккис түһүмэх кулун тутар ыйга саҔаланыаҔа, оттон үлэлэри 2017 с. балаҔан ыйыгар түмүктүүргэ былаанныыллар. Наадалаах матырыйааллар тиэйилиннилэр.

Салгыы Кэптэни сэлиэнньэтигэр делегация 220 миэстэлээх оскуола тутуутун көрдө. Билигин манна дьиэ ис өттүн оҥоро сылдьаллар. Тутааччылар эбийиэккэ үлэ хаачыстыбатын хааччыйар уонна үлэҔэ киллэрэр туһуттан ититиини түргэтэтэр наадатыгар болҔомтону тартылар.
Дүпсүҥҥэ В.В.Никифоров – Күлүмнүүр мемориальнай музей-уһаайбатын сиригэр-уотугар Духуобунас Киинин дьиэтэ тутуллар. Билигин дьиэ көҥдөйө тутуллубут, тас-ис истиэнэтэ, бүрүйүүтэ оҥоһуллубуттар. Духуобунас Киинин 200 миэстэлээх саалата аныгы тэрилинэн хааччыллыаҔа. Быстах кэмӨэ эбийиэги үлэлии турар кыра кыамталаах хочуолунайга холбуохтара. Оттон кыбартаалга саҥа хочуолунай сэтинньи бүтүөр диэри киллэриллиэхтээх.
Александр Жирков салгыы Найахы, Өспөх нэһилиэктэригэр тутуу былаһааккаларыгар сырытта.
Ил Түмэн спикерэ социальнай эбийиэктэр тутууларын графигын кытаанахтык тутуһар, ыарахаттар баалларын үрдүнэн, олохтоммут болдьохторугар түмүктүүр соруктары туруорда.