14 мая 2018 в 09:24

Сэрии инбэлииттэригэр уонна кыттыылаахтарыгар биир кэмнээх төлөбүр

РФ Президенэ В.В.Путин Ыйааҕар сөп түбэһиннэрэн, Россия Пенсионнай фондата 1941-1945 сс. Аҕа дойду Улуу сэриитин инбэлииттэригэр уонна кыттыылаахтарыгар 10000 солк. суумалаах биир кэмнээх төлөбүр оҥоруоҕа.

Россия Пенсионнай фондатын Саха Өрөспүүбүлүкэтигэр салаата ити төлөбүрү ылааччылар испииһэктэрин бэлэмнээһини уонна төлөөһүнү тэрийиини кытта сибээстээх үлэни ыытта.

Саха Өрөспүүбүлүкэтигэр Аҕа дойду Улуу сэриитигэр Кыайыы 73 сылын бэлиэтээһининэн сибээстээн, биир кэмнээх төлөбүрү 124 гражданин ылыаҕа. Ол иһигэр 1941-1945 сс. Аҕа дойду Улуу сэриитин 14 инбэлиитэ уонна 110 кыттыылааҕа баар.

Бу төлөбүр пенсияны уонна атын социальнай төлөбүрдэри кытта ыам ыйын-бэс ыйын устатыгар ыытыллыаҕа.

Биир кэмнээх төлөбүрү ылыыга өрөспүүбүлүкэ оройуоннарыгар уонна Дьокуускай куоракка баар Пенсионнай фонда сирдээҕи-уоттааҕы уорганнарыгар анаан-минээн сылдьар наадата суох. Ол курдук, РПФ сибидиэнньэлэригэр олоҕуран, сайабылыанньата суох бэрээдэгинэн төлөбүр оҥоһуллуоҕа.